兔女郎性感得嚟又有女人味嘅形象，相信唔少男士諗起都會流晒口水，若然由人氣ACGN作品嘅女角色化身成兔女郎，大家又鍾唔鍾意呢？話說喺2007年12月開始連載，由吉宗鋼紀所著嘅人氣輕小說《Muv-Luv Alternative》自推出以嚟，不但獲得極佳嘅反應，其後更被改編成動漫，同時推出埋遊戲，今次化身成性感兔女郎造型登場嘅克麗斯嘉‧巴切諾娃，正係嚟自日本遊戲開發商âge，改編自原作嘅外傳作品《Muv-Luv Alternative Total Eclipse》中嘅造型。
遊戲中嘅克麗斯嘉戰鬥力極強，同時擁有溫柔嘅一面，而佢能夠成為人氣極高女角色嘅原因，在於佢無敵般存在嘅巨乳。今次化身成兔女郎嘅佢，令火辣身材獲得更大嘅體現，超貼身嘅兔女郎制服，令一對巨乳更加有睇頭，索爆身材展露無遺，配合埋一對魚網絲襪，女人味大大提升。若然細心啲睇嘅話，更會發現大腿嘅肌肉線條做得相當精緻。另外，為咗展現出克麗斯嘉外剛內柔嘅形象，原型師特意讓佢擺出手持手槍嘅甫士，令佢強悍嘅個性充分地展示出嚟。
全高：約260mm
售價：￥22,800（約HK$1,596）
發售日期：2018年9月
撰文：魂