睇色辦都可以自娛？

出火超高境界

男士自娛嘅時候，最重要係先獲得視覺上嘅刺激，否則好難成功完事。而要獲得呢種刺激，莫過於睇AV喇！不過日本卻有網民聲稱，佢單憑顏色就能自娛到發射升空，究竟係乜嘢一回事呢？話說早前日本有位網民喺討論區上留言：「我用繪圖軟件抽出鍾意嘅AV女優乳點顏色就可以自娛。」呢句話令其他網民（抓）晒頭，事關乳點可以刺激男人嘅想像，然後進行自娛嘅做法完全唔難明白，之但係用繪圖軟件抽出顏色嚟自娛，卻令人摸不着頭腦。因此其他網民便回應：「唔知道你喺度講乜，麻煩貼張參考圖嚟睇吓！」或直接問：「乜話？」於是呢位網民便順應大家要求貼出兩張圖片，分別係奶茶色同深啡色嘅顏色圖，冇錯，係兩張同色辦一樣嘅圖！據佢解釋，呢兩隻顏色係佢最愛嘅女優乳點色澤，尤其係深啡色更係佢最愛嘅人妻女優嘅標準顏色添！睇完佢嘅解釋後，討論區嘅網民即刻爆火，紛紛留言話：「根本冇辦法自娛，你個變態。」「冇原圖根本唔知有乜反應。」「一啲都唔覺得性感，呢個太高深喇！」不過呢位網民卻回應話：「睇到呢啲色辦都感覺唔到興奮嘅話，你哋嘅人生就太過失敗。」老實講，要達到呢個自娛嘅境界，情願失敗啲直接睇AV好過。

警報器藏鏡頭

日本嘅出張風俗孃（即係應召女郎）最怕嘅唔止係遇上變態客人，同時亦怕喺酒店房中安裝咗偷拍器材，因此出張風俗孃一定要眉精眼企，好似呢位日本風俗孃就因為咁而逃過一劫。日本資深出張風俗孃Minnchi（みんち），早前喺Twitter分享咗一件事，文章內容提及希望其他到愛情旅館或商務酒店嘅女性，留意一下房間內嘅偷拍同竊聽問題，尤其係要留意一下天花板，同時上載咗一張相片，相中有個奇怪嘅地方，就係一個天花板上有兩個火災警報器，其中一個嘅安裝位置相當奇怪，相當貼近牆壁，究竟發生乜嘢事呢？原來有次佢一如既往到客人預約嘅酒店開工，完事後當佢瞓喺床上時發現天花板有兩個警報器便覺得奇怪，於是趁客人去浴室沖涼時嘗試將牆邊一個拆落嚟，可惜拆唔到。當佢沖完涼出嚟後，發現該警報器竟然唔見咗，喺追問下客人終於承認警報器其實係偷拍鏡頭，於是佢即刻叫風俗店派人嚟到酒店，睇番片段後，發現床上行為盡入鏡頭，最後該名客人畀咗謝罪金了事。有網民問點解咁輕易放過對方，Minnchi表示當年佢年紀細，驚事件曝光後會畀父母得知，所以冇再追究。

肌肉男胸肌枕

男人之所以操練肌肉，目的係為咗乜？保護自己同女仔可能係原因之一，更重要原因就係為咗令身形好睇啲，簡單嚟講即係用嚟吸引異性。事實上，對唔少女士嚟講肌肉男可以畀到佢哋一種安全感，因此繼之前玩飛釘嘅「筋肉男臂彎枕」後，日本有人計劃推出名為「雄厚的枕頭」嘅肌肉男抱枕，實行滿足渴望被肌肉包圍，卻又未有男伴提供安全感嘅女士需要。呢個以肌肉男作為原型嘅抱枕，其實係日本御茶水美術專門學校嘅應屆學生畢業作品，目的係用嚟滿足女士，喺屋企時想主動擁抱或被環抱，甚至想將頭埋喺雄厚胸肌嘅慾望而設計出嚟，因此佢對有需要嘅女士嚟講，具有相當嘅療愈作用。「雄厚的枕頭」唔單止擁有雄厚嘅胸肌，同時以肌肉男嘅上半身設計而成，擁有結實嘅腹肌，除咗可以攬住佢之外，更可以將佢當成軟墊，感覺就好似瞓喺猛男身上一樣咁舒服。由於呢個作品展示後，喺網上獲得極佳嘅反應，因此現時計劃商品化，並且喺網上開設官網進行集資。如果對呢個肌肉男抱枕有興趣嘅話，可以留意一下。

撰文：魂