討論區中有位單身巴打分享稱，佢單身咗已經一段時間，最近開始參加舊同學聚會，點知有個以前唔係好熟嘅女同學，主動問佢攞電話兼喺WhatsApp上發動攻勢，巴打見自己Dry咗咁耐，於是受溝兼啪啪啪埋。不過好快佢就覺得呢個女仔個樣真係麻麻哋，慢慢對對方冇晒慾望，只係對方卻經常慾火高漲，每次睇完戲或食完飯，下文必定係去爆房。巴打為咗唔想鬧交同解釋惟有頂硬上，因而覺得唔係咁好受。
網友神回應：
穿硬膠花生：呢啲咪後生仔嘅優勢囉！Mood-Less都可以交差，好似我呢亭80後兼結埋婚就慘喇！老婆由竹桿變柱躉，平時出街都想扮唔識佢，免得畀人眼望望話自己口味奇特！
射穿秋水：交功課嘅時候記住子華神講嗰句：「望過少少，咪見佢個樣唔到囉！」唔想分手就學嘢啦！
至愛工口：樓主，睇你就知道十五十六，諗緊分手，以後用嘅係
J杯；唔分手，以後就要食扒妹。明喎！因為我都係一樣，所以我同你一樣，仲諗緊，因為杯，真係唔識出聲嘛。
某日某人小遊民：巴打嘅問題，我明晒喎！因為我條女近排唔知係咪內分泌失調，成面兼背脊都係暗瘡。有晚佢要求上床，一剝衫我就冇晒胃口，最後惟有熄燈嚟搞，速速完事咪算囉！
天山雪櫃：老老實實，你想點先？做人嘅嘢，有着數咪繼續囉！好似我公司個男同事，佢為咗攀高位，同老細個貌似細哨嘅女拍拖，最近仲結埋婚。大佬呀，細哨喎，佢之所以食得落，咪就係睇錢分上，你呢？
撰文：魂