距離炎熱嘅天氣愈嚟愈近，對於鍾意游水同曬太陽嘅人嚟講，又係一個好嘅日子。每到呢個時候，唔少人腦海中總會浮現陽光與海灘，今次一於睇吓喺情色俚語同成人影片嘅世界中，一啲同Beach及海灘有關嘅詞語，等大家未曬太陽先過吓癮。
當大家見到「Beach Bitch」呢個俚語時，千祈唔好以為佢係用嚟形容女性，查實佢係指專門喺海灘上獵艷嘅男性，而呢類男士嘅獵艷對象卻非女性，而係男人。當然，呢個詞語係帶有貶義成分，免得過都唔好用。講到貶義詞，英文俚語中仲有「Beach Whale」一詞，唔知大家估唔估到佢係乜嘢意思呢？原來佢係指肥胖嘅男士。貶義嘅嘢唔好多講，不如講吓著名嘅獵艷海灘，有調查發現喺外國人心目中，世界最為著名嘅獵艷海灘係位於克羅地亞西北部海邊城市羅維尼（Rovinj），原來呢個海邊城市擁有多個海灘，而每個海灘上經常人頭湧湧，對於好色之士嚟講係最佳獵艷場地，唔知大家有冇興趣去體驗一下呢？
「Beach Sex」嘅中文解做海灘性愛，喺情色俚語中，佢解做一場令人相當滿意嘅性愛。點解會有咁嘅意思呢？原來喺美國人心目中，「Beach Sex」係其中一種相當刺激又過癮嘅性愛，佢哋甚至流行一句說話，就係：「Beach sex is the third best sex you can have. Right after elevator and White House.」意思即係海灘性愛係你所能擁有第3種最佳性愛場地，僅次於電梯同白宮之後。其實係咪真係咁過癮呢？根據美國男士雜誌《Men's Health》，喺2007年進行嘅一個關於有乜嘢地方，最吸引男士想喺嗰度啪啪啪嘅調查發現，海灘位列第1位，男士們之所以鍾愛喺海灘交歡，原因並非單純刺激，而係因為見到女伴着住泳衣曬太陽，特別容易勾起佢哋嘅性慾。
男人鍾意喺海灘（目及）女，同時勾起佢哋無限嘅性幻想。喺2010年9月由美國片廠Jules Jordan製作嘅四仔《Beach Patrol》，正係將男士嘅性幻想拍成成人電影。由公司老闆兼四仔導演Jules Jordan親自執導，搵嚟Candace Cage、Gracie Glam、Mariah Milano、Penelope Piper、Rachel Starr同Victoria Lawson等6位脫星演出。故事相當簡單，講述呢6位脫星係好姊妹，趁住炎夏齊齊去海灘享受假期，同時喺海灘上獵艷嘅故事。每當佢哋見到心儀男士，一係拉佢返公寓啪啪啪，一係同對方就地開戰，甚至一齊上陣嚟個一王幾后大混戰！作品不但受四仔迷歡迎，喺2011年嘅AVN頒獎禮中更獲得最佳自由發揮及最佳3P性愛場面提名。
講到Jules Jordan，佢喺美國四仔界擁有非凡嘅崇高地位，喺2006年F.A.M.E.頒獎禮、2008年AVN頒獎禮、2008年XBIZ頒獎禮及2008年XRCO四仔頒獎禮等奪得最佳導演，多年來合共奪得超過30個獎項，並且喺2011年獲選入AVN名人堂。
「Sex On The Beach」唔單止係一種雞尾酒嘅名稱，同時亦係著名嘅AV系列作品。由片廠Moodyz自2004年推出嘅《Sex On The Beach》系列，賣點同佢嘅名稱一樣，就係搵嚟胸懷巨乳嘅AV女優同一班男優喺海灘上激戰。不過如果大家細心留意嘅話，會發現喺2004年2月推出嘅頭炮作，由當年叫做瑞穗好美，其後改名做朝美愛佳演出嘅《Sex On The Beach 瑞穗好美》，並非由Moodyz製作，而係由佢旗下嘅子公司Replay攝製。由於頭炮作相當受AV迷歡迎，因此第2部系列作《Sex On The Beach 2 M@MI》，便交番畀Moodyz製作，而演出呢個系列嘅女優更係一個比一個有知名度，當中包括周防雪子、大橋未久、峰奈由果、鈴木杏里、青山菜菜等。為咗帶畀AV迷更多新鮮感，其後加多位AV女優同場演出以及加入室內作戰等元素。可惜呢個系列始終敵唔過時間洗禮，喺2012年8月推出《Sex On The Beach 悠希芽依》後便完結。
撰文：魂