絕對美少女復活

踏入2018年,日本AV界傳出唔少引退消息,不過對於小弟嚟講就唔會因此而傷心,因為唔少女優引退之後都會回歸AV界同大家見面,再次展現令人着迷嘅魅力,最近便有一位「絕對的美少女」回歸,佢就係曾經人氣頂沸嘅音市美音喇!阿妹喺2011年出道成為美少女AV廠Kawaii嘅專屬女優,由於美音生得可愛綺麗,胴體雪白又婀娜,故被稱為「絕對的美少女」,出道之後火速上位,成為Kawaii嘅當紅花旦。不過,美音出道一年之後就引退,然後喺2014年復出,但係拍咗一年又再次引退,原因係被家人知道佢拍AV,結果被屋企人急召回家。雖然係咁,美音仍然有曝光,好似上年舊東家Kawaii就搵到美音嘅掛名妹妹音市真音下海,順道搵「家姐」美音出嚟從旁指導「妹妹」。

估唔到,音市美音最近宣告復出,投身成為Ideapocket嘅專屬女優。冇見咁耐嘅美音同以前一樣咁標致動人,身材亦保持纖巧同雪白,唔怪得有雜誌即刻搵佢做訪問,而其復出作品《傳說美女復活 絕對的美少女が絕世美女になって歸ってきた》喺AV銷售網DMM嘅日間預售排行榜更加擊敗三上悠亞嘅新作成為冠軍!睇嚟AV界將會有一場龍爭虎鬥,AV迷眼福不淺喇!

撰文:賢