今日係元宵佳節，即係中國情人節，咁梗係要同情人一齊度過啦，但係對單身男嚟講卻相當痛苦，事關經常會畀人問今晚去邊度慶祝？叫人點樣答呀！而對日本單身男嚟講就更加大鑊，皆因喺情人節當日冇朱古力收，又點見人呢？不過唔緊要，想收朱古力，去風俗店就得，即刻話你知點解啦？
早前情人節，原來好多日本單身漢都會去風俗店搵個風俗孃解寂寞！皆因每逢情人節前一個月開始，玩家入店幫襯都會收到風俗孃送上嘅朱古力。不過大家要留意，想收朱古力只屬熟客嘅專利，換言之，只有之前同該風俗孃交過手幾次，先至可以收到朱古力。有葡萄友可能會問：「呢啲風俗孃所送嘅朱古力咪又係買番嚟，有幾特別啫？」雖然有部分風俗孃會買現成嘅朱古力送畀客人，但係佢哋都會重新包裝，另一方面風俗店會鼓勵風俗孃親手做朱古力送給客人，並且會用雙手奉上，令客人有被暗戀嘅感覺，同時風俗孃亦唔會覺得尷尬。
點解風俗店會鼓勵風俗孃喺情人節前送朱古力畀客人呢？當中嘅理由唔難明，就係為咗可以拉近客人嘅距離。喺東京工作5年嘅風俗孃由美（化名）表示，送上情人節朱古力對加強跟客人間嘅關係相當有效，雖然日後對方未必會點名自己，但係仍然保持聯絡，已經係一個好好嘅宣傳同投資。此外，部分風俗店亦會趁住佳節推出各種特別優惠，等玩家可以玩得更窩心。
喺選擇到風俗店度過情人節嘅單身男之中，有部分可能一生人未曾收過女性送上嘅朱古力。既然嚟到風俗店，可以收到風俗孃送贈嘅朱古力，梗係要留下呢刻甜美嘅回憶啦！日本大型風俗情報網站「Heaven」早前推出一個名為「情人節 × 網絡預約專題」嘅活動，呢個活動最吸引嘅地方，並唔係玩家可以透過活動專頁喺網上預約，由網站挑選出情人節特選風俗孃，而係在於玩家喺享用服務嘅同時，仲可以拍下風俗孃送上朱古力嘅一刻以作留念。此外，風俗孃所送嘅朱古力保證係100%自製品，而非一般零售朱古力。正如該網站所講，希望每位男士都能夠擁有一個甜美又心動嘅浪漫節日。
既然單身男喺情人節如此寂寞，齋收風俗孃嘅朱古力未必夠滿足，因此呢間位於日本三重縣四日市嘅出張風俗店「Choco-banana」，便推出被日本網民稱為極為應節嘅優惠日「Choko之日」。玩家只要喺指定日子及時間召喚該店嘅風俗孃出勤，70分鐘嘅服務收費只需2,140日圓（約150港元），相對於正價9,000日圓（約630港元），即係約打咗24折，好抵玩呀！雖然店方稱呢個優惠服務只限會員享用，但係客人可以即時入會，所以唔係大問題。另一方面，部分風俗孃除咗準備自製朱古力外，仲額外加送性感相作為紀念品，真係相當吸引。
撰文：魂