有個玩家去召妓，話明要搵個住家師奶短敍，靚嘅就出一百，麻麻地則出六、七十。
伙記曰：「有一個，隨你話靚唔靚，但短敍要一百，冇價講。」
玩家曰：「帶來睇吓。」
伙記曰：「冇得睇，叫來就作實，你要抵得諗，必要時不惜做一次老襯至得。」
玩家曰：「又好，愈係吊高來賣愈要試吓。」
伙記曰：「能否即刻來，未知，我叫女工去搵佢，今日唔得就要另約日期。」
不久，女工帶一位師奶來，唔係十分靚，但幾風騷，玩家受落，立刻過水。
師奶曰：「今日本來唔得閒，但女工容姐死拉我來，要快手快腳至得，寧可第日補數，因為家中有位親戚嚟咗。」
玩家匆匆就道，一經揚鞭，師奶好似觸電一樣十分興奮，自動搶韁瘋狂騎乘，跑畢全程，師奶曰：「真係好喜歡你，可惜今日聚散匆匆，你幾時再來？」
玩家曰：「隨你揀一日。」
師奶曰：「不如周日下午啦，本來我有個牌局，可以推咗佢哋先。」
到星期日再聚會，果然玩到盡情，玩家與師奶同感滿意，如是者幽會幾次，大家都不方便問姓名。有一日，玩家在街上撞見師奶，站在一間百貨公司窗櫥外欣賞貨物，埋去叫一聲曰：「師奶，想買乜嘢？」
師奶曰：「我丈夫在裏面。」
此時，一個大隻佬自百貨公司行出來，問師奶曰：「呢位係邊個？」
師奶曰：「係學校劉老師。」隨即介紹與玩家相見，曰：「呢位係我丈夫，張少立嘅爸爸。」
玩家曰：「張先生，令郎成績麻麻哋，有時上堂唔係好用心機聽書，好想到府上探訪吓，現在見到張太講一聲算數。」
師奶曰：「劉老師，麻煩你管教吓我哋阿立仔至得。」玩家一額汗。
夏灣拿
一九七六年四月十二日