有個人客，上到一間架步後入房，就對大班曰：「同我叫個清潔女工入嚟。」
大班曰：「女工四張幾，好醜樣，而且唔做生意o架喎！」
人客曰：「叫嚟睇吓，唔啱我會另外畀茶錢佢。」
大班曰：「怪到極。」出去對女工曰：「二嬸，有個怪人客要睇吓你，唔啱就有十元，賺咗佢十元啦，一樣米養百樣人。」
二嬸曰：「我唔去，幾十歲人，做小姐出鐘，笑死人咩！」
大班曰：「我唔係叫你接客，而係叫你攞埋佢畀出嚟嘅茶錢而已。」
於是二嬸入房，睇吓點解有個咁古怪嘅人客。
果然，人客招手曰：「阿嫂，我畀十元你飲茶，目的係請你介紹一個小姐，我信你，唔信大班，因為大班必定車大炮，個個都話好、都話靚。」
二嬸曰：「原來要我介紹囡囡，你想要哪一種小姐？」
人客曰：「我要個有丈夫嘅小姐，因為有老公就唔敢亂咁來，怕領嘢後，搬返去正舖。」
二嬸曰：「叫秋明啦，佢有老公有仔女，亦幾靚女，玩得過。」
人客曰：「多謝，咁你可以走啦！」
二嬸曰：「你唔好話我介紹，否則其他小姐會鬧我，佢哋輪牌上者也。」
二嬸退出，大班入來，曰：「睇過點樣？」
人客曰：「當然唔合啦！」
大班曰：「我介紹靚女來。」
人客曰：「不必你介紹，同我叫秋明上枱。」
秋明來到，問人客曰：「你點知有我呢張牌？我似乎未見過你？」
人客曰：「雖未見面，卻已聞名，今日一見，果然係靚女，順手報埋盤口。」
秋明曰：「隨便啦，難得你賞面。」人客唔要打假波，要真刀真槍埋身肉搏，秋明曰：「你放得心落？」人客曰：「我已查清楚了。」
夏灣拿
一九七六年四月十八日