做人嘅限制真係幾多，而最大嘅限制莫過於錢。咁如果有錢嘅話，又係咪乜都得呢？答案梗係唔係啦！事關有啲嘢即使有錢都未必買得到，好似快感就係其中之一。而喺情慾字典中有唔少跟Limit及限制有關嘅詞語，等大家可以喺妄想同快感之中得到靈魂嘅充實。
當大家見到「Analastic」呢個英文字時，千祈唔好因為喺字典中搵唔到佢，就以為打錯字，查實佢係美國自創嘅單字，而從佢當中帶有「Anal」就知道其意思係同後花園有關，如果加埋「Limit」嘅話，係咪解做後門限定，叫人喺限時內暢遊後花園呢？錯！其實「Analastic Limit」係指因為某啲原因，而令到小菊花變成向日葵咁解。至於係乜嘢原因呢？相信大家都會估到，唔使我多解釋嘞。根據美國健康雜誌《女性健康》嘅專家表示，其實後花園非常有彈性，除非利用太大嘅物品刺激，否則一般嚟講係唔會導致鬆弛。
如果女友喺啪啪啪前同你講句「Go The Limit」嘅話，究竟係乜嘢意思呢？大家唔好估錯，以為女友叫你去到盡，其實係叫你專心地去做咁解。如果女友唔係第一次同你啪啪啪，但係同你講句「Go The Limit」時，作為男友就要留意喇，事關女友可能係投訴緊你啪啪啪時唔夠專注。不過咁又唔可以怪男人肉搏途中會分心，事關根據美國雜誌《男性健康》同《女性健康》聯手進行嘅調查結果顯示，喺超過2,000名受訪男性中，有高達百分之四十五嘅受訪者坦言，佢哋喺同女伴交歡途中，腦裏面其實係諗住其他女人。不過女士們又唔使擔心另一半會出軌，皆因呢班受訪者表示，佢哋只係流於諗嘅層面而已。
對美國四仔界嚟講，最大嘅限制係製作費，亦因為受製作費所限，想要拍大場面兼有劇情嘅四仔便有難度。不過凡事總有例外，由法國成人電影製作公司Marc Dorcel喺2008年9月推出嘅作品《Casino No Limit》，不但製作費係歷史上成人電影製作費數一數二最昂貴，畫面更係極具官能刺激。呢部四仔嘅製作費究竟有幾高？答案係高達21萬歐元，即係約200萬港元。製作費高昂梗係有佢嘅道理啦！事關佢唔單止由製作公司老闆兼法國色情電影大師Marc Dorcel親自執導，仲搵嚟Melissa Lauren、Yasmine、Nacho Vidal、Christina Bella、Claudia Rossi等14位嚟自歐美嘅著名脫星演出，而且包咗個賭場，仲有數之不盡嘅外景及唔同酒店取景拍攝，難怪呢套作品喺美法大收旺場，並喺2009年德國柏林舉辦嘅Venus成人電影頒獎禮中，獲得最佳大製作色情電影殊榮，而Marc Dorcel亦憑住此片喺同年舉辦嘅AVN頒獎禮中，獲得最佳外國導演嘅提名。
日本AV女優入行時，都會按事務所嘅要求填寫一份拍攝事項表格，等事務所知道呢位AV女優乜嘢拍得同唔拍得，方便安排工作。而喺2009年出道嘅河西亞美，當時佢填寫表格時，除咗浣腸同愉虐唔OK外，其他所有類型嘅演出都表示冇問題，尤其喺群戰一欄中寫明可以群戰10名男優。須知道作為初出道嘅女優，好少會玩得咁激，河西亞美果真係瘋狂無限制！其實佢之所以如此有自信挑戰10名男優同床作戰，皆因佢早有前科，話說佢喺Twitter自爆喺入行前跟一班人去露營，當時佢就提議所有同行男性自備安全套到佢嘅帳篷中，等佢幫大家破處！至於佢嘅處女作《素人的可愛裸體》，以清純形象示人，估唔到外表斯文嘅佢，現實中竟然如此狂野豪放。難怪喺1985年5月17日於日本福岡出生嘅佢，出道超過9年，但係至今戰意仍相當旺盛，群戰更係佢演出AV嘅指定動作添！
撰文：魂