男人最大嘅福利係乜嘢？唔係升職加薪，而係日本網上嘅「福利姬」！大家知唔知呢班經常喺網上及寫真賣弄性感嘅囡囡，平日嘅生活係點樣呢？如果認為年輕後生女未能打動到你，有美魔女之稱嘅日本巨乳女王叶美香最新推出嘅寫真集，可能啱你心水！
日本有種人氣美女網絡偶像叫做「ロー活女子」，翻譯成中文嘅話，有人稱佢哋做「福利姬」。所謂「福利姬」，就係佢哋經常喺網上分享露肉度高嘅自拍照及寫真，而呢啲露肉照被網民稱為「福利」，最近呢班福利姬嘅流行福利主題係喪露股罅，相當香艷誘人。不過，唔少網民都非常好奇，究竟福利姬喺日常生活又係咪着得咁性感呢？早前日本電視節目《有吉Japon》（有吉ジャポン），就搵嚟多位人氣福利姬做訪問，卻估唔到佢哋平日竟然着得好密實，生活更係相當低調。其中一位名叫御茶海Mami（御茶海マミ）嘅人氣福利姬，日常打扮就如普遍女性，佢亦自稱性格內向及怕醜，不過喺鏡頭前佢就會換上超性感衣着，擺出誘人嘅甫士，而且露出股罅。據佢講作為福利姬，露得股罅愈多人氣便會愈高，而佢哋舉辦嘅攝影會就會帶嚟可觀收入，最高可達50分鐘1萬日圓（約7,000港元），認真和味！
日本有一隊叫做「叶姊妹」嘅美魔女團體，成員分別係55歲嘅叶恭子及51歲嘅叶美香，而叶美香更係1988年日本小姐冠軍。雖然佢哋個團名用上姊妹兩字，但佢哋並非親姊妹。不過係咪親生姊妹又如何，事關佢哋最為人熟悉嘅，就係兩位美魔女雖然年過50歲，但係保養得相當唔錯，尤其係嗰對豪乳更係令人一見難忘。雖然有人懷疑佢哋打假波，但卻冇影響到佢哋嘅人氣。最近佢哋推出最新一本寫真集《Melting II Precious Morning》，不過今次並非兩人一齊上陣，而係由叶恭子負責攝影，叶美香則擔任模特兒大膽地露兩點及黑森林！可能有人會話喺2012年時，佢哋已經推出過同樣露點又露黑森林嘅寫真集《Melting》，所以欠缺新鮮感。雖然係咁，但係已經相隔咗6年，今時今日佢哋嘅身材仍然相當有睇頭，問題係大家接唔接受到50歲以上嘅美魔女露肉呢？
近年提倡環保生活，既然係咁，唔知用完嘅廁紙筒又有乜用途呢？有日本網民不但認為可以用作量度子孫根嘅長度，仲可以測量埋有幾粗壯添！日本網民Urasahou早前喺Twitter分享點樣用廁紙筒量度子孫根嘅方法，好簡單，就係當兵器硬直後，將廁紙筒套上去就得。為咗方便大家計算自己嘅兵器長度及粗壯度，佢仲提供埋數值對應表，如果廁紙筒套落兵器後而無露到出嚟嘅話，即係兵器長度少於11.4cm，屬於小尺寸；兵器露出約有2cm嘅話，大約長度為13.5cm，屬於平均尺寸；而兵器頭部完全露出，長度約為15cm，屬於大尺寸；如果兵器頭部唔單止完全露出，連柄部同時露埋出嚟嘅話，長達超過15cm，是為超尺寸！
至於粗壯度，根據Urasahou嘅數值對應表，若然廁紙筒內部仍有大量空間，而兵器只有10cm以下長度，為小尺寸；套落去啱啱好，而兵器長度11至12.5cm，則係一般尺寸；如果要剪開廁紙筒先至可以放兵器入去，長度又超過13cm嘅話，就係巨根喇！不過大家要留意，Urasahou表示呢個方法只適用於日本廁紙筒，外國嘅未必啱使。
撰文：魂