從合約式愛情變成難捨難離嘅浪漫真愛，呢種橋段喺唔少電影見過，若然有小說仲用呢種題材嘅話，可以話非常老土。而美國情慾小說作家Jennifer Probst嘅《婚姻交易》，雖然以此為題材，但係加入輕鬆幽默嘅劇情，配以恰到好處嘅情慾描寫，成功登上「紐約時報暢銷排行榜」前10名位置！故事發生喺紐約嘅哈德遜河谷，女主角兼書店主人瑪麗亞為拯救祖傳大屋卻苦無辦法之際，死黨嘅億萬富豪大哥尼可拉斯突然搵上門，問佢有冇興趣合作，原來尼可拉斯要繼承父親企業，條件係要結婚娶妻，佢得悉細妹好友瑪麗亞正陷入財困之中，於是跟對方提出交易性婚姻。呢段合約式婚姻帶有幾個條件，就係唔談感情、冇任何束縛同唔准上床，而協議有效期為一年。瑪麗亞心諗只係一年時間，兩人亦不過係合作關係，便爽快答應，結果兩人不但共墮愛河，更有突破性關係。