日本藝能界經常傳出知名女藝人拍AV嘅消息，好似酒井法子、前早安少女組成員後藤真希、安達祐實等都被傳過下海，但係唔好話一張AV截圖都冇得睇，連樓梯響都聽唔到。最近，下海拍AV嘅傳聞就扯到去曾經紅極一時嘅四人女子組合SPEED喇！有網友發現AV銷售網DMM嘅女優記錄版面當中，出現一個極之出名嘅女藝人名字，佢就係上原多香子喇！
上原多香子係90年代紅極一時嘅跳唱女團SPEED成員之一，於1996年同島袋寬子、新垣仁繪、今井繪理子組成四人女子組合喺藝能界發光發熱，簡直係紅遍東南亞地區！後來組合突然喺最當紅嘅時候解散，而上原多香子後來仲結埋婚，之不過2015年同為歌手嘅丈夫TENN喺車內自殺身亡，有傳係因為上原多香子紅杏出牆。一時之間令上原多香子負面新聞纏身兼形象下滑，亦因為咁有傳佢為討生計而下海拍AV！不過，暫時仲未有更多確實嘅相關消息，大家拭目以待啦！
撰文：賢