日本著名漫畫插畫師Tony，憑住筆下迷人兼充滿夢幻嘅美少女，被喻為神級插畫師，因此佢筆下嘅美少女經常被模型化，更推出名為「Tony's Heroine Collection」系列，而該系列頭炮作就係呢個名為「雛菊的妖精Daisy」。呢位美少女妖精Daisy早喺2013年舉辦嘅插畫展「Tony's Heroine Exhibition」便已登場，上年以「Peace Keeper Daisy」之名推出模型。而今次呢個模型經過Tony重新設計，將之前站立甫士變成跪地坐抱花造型，同時Tony全程監製，令模型充分保留原作神髓。不過，講到模型嘅賣點，梗係唔止動作上嘅變化咁少，激凸嘅車頭燈加上深溝，令模型嘅可觀性大大提升，而短裙下更露出誘人三角底褲。當然仲有一處養眼嘅地方，從後面睇，大家便會發現原來小妖精竟然露出性感股罅，夠晒股惑！除咗呢啲吸睛位之外，模型嘅手工相當精緻，除咗一對蝴蝶翅膀夠精細外，身上件薄紗同樣做工一流。