擁有豐富文學修養及人生閱歷嘅英國小說家凱特‧艾柏林，著作過唔少人氣情慾小說，好似呢本被翻譯成27種語言版本嘅《若能再次遇見妳》正係其中之一。故事講述女主角年輕貌美，讀大學時跟朋友到意大利旅行，當佢喺教堂許下願望時，遇上剛推門而入嘅男主角，呢一刻嘅相遇，不但令大家有種觸電嘅感覺，對方嘅形象更深深烙印喺彼此心中。第二日，女主角同朋友合照時，再次遇到男主角，點知兩人因太過匆忙而唔記得留下聯絡方法。到第三次相遇時，男主角排緊隊買雪糕，女主角突然拍佢膊頭拋下一句「另一間仲好食」後離去。第四次相遇，男主角終於鼓起勇氣跟女方表白，兩人熱戀起嚟，仲展開一場激烈性愛，點知男主角因噩運纏身，從此跟女主角分開。雖然兩人同處一個城市，但命運總係令兩人遇唔上。兩人經歷過多次感情創傷後，呢日佢哋又喺佛羅倫斯重遇……