有個玩家，聽人哋講，有間架步，每日中午十二時至下午五時會有一批工廠妹，佢哋當係返工廠開工，依時上班，依時落班，撈女試得多，想試吓工廠妹嘅滋味。
是日，下午三時去到，問大班曰：「是否有新出來做嘅工廠妹，揀個正嘢畀我。」
大班曰：「得，畀個揀手貨你。」
不久，帶個小姐來，果然係含羞答答，幾乎唔敢除衫，問一句答一句，完全唔似撈女，的確係唔同味道，問曰：「同你去酒店開房做唔做？」
女曰：「唔做，我係暫時撈住先而已，遲吓工廠好景就返回工廠，除非你肯同我結婚。」
玩家曰：「咁又係，此乃交易行為，不能勉強。」
過幾日，玩家晚上去第二間架步玩，見到當日嘅工廠妹，叫大班帶佢嚟，見面之後，女曰：「真係有緣，又見到你，快啲捧我一個大鐘。」
入房後，工廠妹三扒兩撥剝清光，曰：「我哋咁熟，不必客氣，沖唔沖涼，抑或做完至沖？」
玩家笑問曰：「士別三日，刮目相看，你幾時過場，原來兩三日之間，你就操到咁熟。」
女笑曰：「實不相瞞，我係舊人，唔係新人，自然熟手。」
玩家曰：「前幾日見你，仲好怕醜喎。」
女笑曰：「話你知，我喺呢間架步返夜班，七點到凌晨兩點，日間就去扮工廠妹，因為唔少人客覺得好新鮮，話要搵工廠妹，我就投其所好，扮嗰樣似嗰樣，你話扮得似唔似？」
玩家曰：「似到極，我都睇唔出，真嘅一樣，但係有一點，我唔明，你扮工廠妹，何以又唔賣身，又話要嫁人呢？」
女曰：「並非真係唔賣，係要吊起來賣，有時對人客，你愈話唔賣，佢哋出價愈高，有一次，有一個人客出價高達三百，我賣畀佢，自認失身畀飛仔之後，未有第二個男人親近過，佢信到十足。」
玩家笑曰：「原來你咁多計，現在賣幾多錢？」
女曰：「公價，有膽就同你打真軍。」
一九七五年二月五日