情慾小說家J.D. 羅勃（Nora Roberts）自1995年開始創作嘅《謎蹤》系列，將懸疑、愛情及色慾糅合喺小說之中，而今次介紹呢本《攝魂謎蹤》，正係其中一個作品。故事講從事新聞工作嘅依芙，接連幾日收到神秘人寄嚟嘅照片，而照片內容都係以專業角度拍攝死者嘅容貌，依芙從照片推敲，神秘人似乎想以致命嘅方式，捕捉死者仍有青春同活力嘅一刻。如此一宗奇案，依芙以一貫嘅方式傾力偵查，卻始終無法投入過程之中，原來佢呢刻正跟丈夫若奇陷入冷戰，每次返到屋企時，佢再見唔到若奇歡迎佢嘅熱烈目光同熾熱愛火。點解若奇會有咁嘅變化呢？原來若奇希望自己能夠得到更多嘅私人時間，只係經過長期跟依芙聯手查案，卻發現自己所嚮往嘅生活，已經被依芙所影響，因此佢希望能夠獲得更多空間。依芙卻為咗查案，不惜搵嚟以前嘅情敵合作，只係內心仍然希望能夠跟丈夫破冰，而最好嘅方法就係肉體上嘅親密接觸。