係四仔迷口味影響四仔潮流，定係四仔製作帶領四仔迷口味？到今日連美國成人傳媒都未有一致性答案，當然亦有人答係互相影響呢類「廢話」，但業界開始認為係消費者決定製作，就好似潮流興睇視頻妹網站，除咗因為即時性，最重要原因係「老闆」話事，你想點表演都會滿足晒要求，因此色情界要製作一套四仔，唔係片廠老闆想點拍就點拍，其實佢都係按當下「色情潮流走勢」拍攝，再將其發揚光大啫！三言兩語就講唔晒色情發展史，況且今日都唔係想講呢啲，純粹係睇見人氣淫娃Katrina Jade推出個人大片《I Am Katrina》有感而發吹兩嘴啫！有四仔咪睇囉，扮乜有深度啫，啱呀，細佬都係淫蟲一名，但對住《 I Am Katrina》真係睇唔明，因為佢係一套「色情紀錄片」，內容講Katrina Jade埋身肉搏前，將佢由驗身、日常飲食、揸車去片廠及開工前準備都一一用鏡頭紀錄低，當然唔少得導演嘅專訪啦。對於入行3年，現年26歲，仲上緊位爭最佳脫星獎嘅Katrina Jade嚟講，退休冇佢份，打入名人堂又未夠班，究竟呢部紀錄片係為乜而紀錄呢？莫非真係好似Katrina Jade接受傳媒訪問咁講：「我睇到或諗到咩就會想埋身肉搏，係性愛嘅代名詞！」照咁講所有有啲名氣嘅脫星都拍得紀錄片啦，使乜你呀？