邊個話娶女神一定要靚仔有型有錢又有地位（口架）！有辦你睇，蒼井空嘅老公唔靚仔又冇錢，咪一樣娶到女神做老婆，除咗講恭喜之外，都唔再多講喇！事關與其睇女神放閃，不如花啲時間睇書安慰一下自己，推介你睇呢本《More Than Love You 》，雖則佢係一本浪漫愛情小說，但係都有唔少色慾場面，故事講述男主角係知名職業欖球員，身邊女人換畫快過打波，可惜從未有一個令佢有衝動停下來，為咗要令感情世界安定，可以專心打波，男主角反而用更極端方法，瘋狂搵女人開波，無奈愈急愈難搵到合適對象，反而喺一次性交易中遇上火辣索妹，原以為明買明賣嘅性交易一瞬即逝，點知過程中男主角發現付出嘅體力與汗水比落場比賽仲要激烈，自此對呢位囡囡念念不忘，誓要征服對方先心息，可惜人生就係咁，你Like佢唔代表人哋要冧番你，欲知故事發展成點，買本書睇吓啦！