如果問邊個甫士最能展現出豪乳嘅養眼威力嘅話，趴地甫士絕對係坐亞望冠之選。事關當爆乳女郎一趴低，喺地心吸力之下，嗰對豪乳即刻跌出嚟，單係諗呢個場面已經夠晒震撼！不過想睇趴地爆乳嘅話，唔一定要齋諗，好似即將推出嚟自賀東招二最新連載漫畫《甘城輝煌樂園救世主》嘅女主角之一千斗五十鈴最新模型，同樣可以感受到趴地甫士所帶嚟嘅威力。漫畫中嘅千斗擁有超爆豪乳，加上萌味十足嘅樣貌而獲得極高人氣，而呢個最新登場嘅模型忠實呈現箇中神髓，以一身比堅尼造型加趴地甫士登場，本嚟已經夠晒養眼，而原型師更巧妙地加埋甩Bra嘅設計，令千斗要用左手掩住雙峰，單憑呢點足以勾起大家嘅邪念，究竟係有人故意整甩佢個Bra，抑或係佢自己解開個Bra呢？模型嘅吸睛位梗係唔止得心口一對豪乳咁少啦，從後面睇嘅話，仲會發現佢趷高美股，呈現出渾圓無比嘅美感。豪乳加上美股，配合埋呢個咁養眼嘅甫士，絕對係個觀賞性相當高嘅作品。