呢個世界真係充滿各種驚喜，試問大家又點諗到，日本竟然有大學會邀請現役AV女優擔任特別講師呢？的確，外國係有邀請脫星到大學做講座嘅習慣，不過喺日本就相當罕見。而當日大學課堂充滿樂趣，同時又挑起學生嘅返學興趣，可惜呢啲機會冇我哋份囉！
大學生活點樣過？唔少人都係做兼職、拍拖、上莊同潛水，而所謂潛水即係除非要計出席率嘅課堂，否則成個學期除咗第一堂同最後一堂外，其他上課時間都唔會見到佢出現。點樣可以令呢類學生有回到課堂嘅動力？搵AV女優做講師相信係個唔錯嘅方法。話說位於日本茨城縣嘅筑波大學，有個屬資訊學系嘅必修課程「內容應用理論」，課程內容講述出版、廣告、動畫等唔同媒體嘅發展。正當課程進入尾聲時，學系突然宣布喺12月18日嘅最後一堂中，搵嚟著名AV女優紗倉真菜擔任特別講師，消息一出即時引起哄動，甚至有人問可唔可以去旁聽，而紗倉得悉反應熱烈後，喺網上留言自己相當緊張。到咗講課當日，偌大嘅演講廳座無虛席，當中絕大部分都係男學生。咪以為紗倉只係講吓演出心得咁簡單，佢準備十足，不但細數AV業嘅發展，同時更分析現時及未來業界嘅狀況，演講得相當認真。演講完後，唔少學生湧上台跟紗倉Selfie同握手，若然佢哋平時返學都咁積極就好喇！
每年聖誕總有唔少派對舉行，為咗令派對有節日氣氛同埋成為眾人焦點，唔少人都鍾意着到紅卜卜，或者索性扮聖誕老人或聖誕女郎上陣。而講到今年英國最潮、最應節又最火辣嘅聖誕裝，就係乳首馴鹿頭裝（Reindeer Boob）喇！就咁講可能大家未必明，其實佢嘅打扮方法係先喺衫上剪一個可以啱啱好露出乳首嘅窿出嚟，然後再用紅色波波或紅色貼紙黐喺乳首之上，跟住再喺乳首上加上一對假眼，再貼上一對鹿角，呢個乳首馴鹿頭裝便大功告成。雖然唔少英國男士喺今年嘅聖誕派對中，都以呢個造型登場，係就係過癮，只係講到吸睛度嘅話，始終及唔上擁有激凸上圍嘅女士咁可觀。大家咪心邪，唔係因為有嘢(目及)先至話佢哋好睇，而係因為激凸上圍下嘅馴鹿頭更加有立體感，馴鹿外形更加可愛。雖然聖誕已過，但有英國網民表示只要將馴鹿頭換成其他動物，喺跟住落嚟嘅除夕派對中，仍然可以大出風頭咁話。
當啪啪啪到忘我之際，唔少人都會下意識做出一啲舉動，以顯示自己有幾咁投入同享受，好似喺活塞運動期間，有啲人會啜吓對方嘅面珠，有啲人則會雙手狂搓波仔等。英國早前有媒體進行一個調查，睇吓喺英國人心目中邊種床上小動作最喜歡同最討厭，訪問咗161名男女，結果發現最受歡迎嘅床上小動作係輕力拍打對方嘅臀部，有百分之三十一嘅受訪者表示，喺性愛過程中拍打或被拍打臀部，可以提升快感之餘，同時可以顯示出對方嘅肉緊程度。其次係有百分之二十一嘅受訪者表示喜歡輕咬對方，透過輕度痛感提升快感。最後係綑綁，有百分之十七嘅男女認為綑綁可提升床上樂趣。不過講到最令人討厭嘅小動作，就係扯頭髮及戴眼罩，有百分之十四嘅受訪者表示，扯頭髮會令頭髮脫落，加上動作粗暴令人討厭。至於性愛中戴眼罩，則有百分之十一男女認為呢種玩法會令佢哋欠缺安全感。專家表示如果唔想起紛爭，最好都係同伴侶多啲溝通。雖然專家嘅講法老土，但卻係事實，大家要注意喇！
撰文：魂