成日話女人心海底針，其實男人嘅心事，女人又幾時關心過呢？不過女人唔明唔緊要，男人嘅事始終由自己嚟解決最好，好似美國有男士內衣品牌，推出解決兵器左搖右擺問題嘅底褲，呢啲咪可以徹底解決男士最關心嘅問題囉！
每當女士喺街上見到有男士左掹右掹條褲，總會投以鄙視嘅目光，其實撇除不良習慣外，男人之苦女人又點會明白呢？事關佢哋又點會諗到，男士之所以掹條褲，係因為支兵器啱啱卡喺底褲中間，呢種兵器唔知點擺嘅感覺，只有男人先至會明白。有見及此，美國紐約男士內衣品牌Eletrunks推出一條獨特底褲，報稱可以避免男士因為矯正底褲內兵器左擺定右擺嘅尷尬，將兵器輕鬆扶正。跟公司同名嘅底褲系列「Eletrunks」，最特別嘅地方在於底褲中間有條繩，而繩嘅兩端連住底褲末端同重要部位。當穿着者覺得兵器被卡住喺褲襠而感到唔舒服時，可以用手指喺褲頭露出嘅繩頭輕輕一拉，兵器便會重歸正中位置，從而擺脫兵器卡住嘅不適。據設計師兼公司老闆Michael Walker表示，今年9月展開電單車環南美洲遊期間，發覺兵器被卡住嘅感覺相當辛苦，於是便設計出呢條可解男士之苦嘅底褲，並成立公司生產，現時已發展出「HyPerformance」同「Adventure Series」兩個產品系列，並且有預售中嘅孖煙囪系列「Long Leg Adventure Series」，售價由29.9美元（約233港元）起，唔知各位男士有冇興趣呢？
有人話癖好呢樣嘢只要唔犯法，其實係無傷大雅，但係放上網同大家分享嘅話，又算唔算犯規呢？日本有位網民叫「無名氏先生」，佢喺網絡討論區表示自己好想試吓着過膝襪，卻苦於長有一對毛腿嘅緣故，因此一直未能圓願。想試咪試囉，有乜所謂呢？結果呢位網民喺網上進行直播，先騷出一對毛腿，然後將毛毛刮得一乾二淨，最後着上一對黑色過膝襪。正常嚟講，咁做應該會引嚟千萬句話佢「變態」嘅留言，但原來討論區嘅網民仲變態，事關當佢哋見到無名氏先生嘅分享後，有人便覺得呢位仁兄潛藏M屬性，竟然喺網上對佢發出猥瑣指令，更有人命令佢着住對過膝襪擺出各種甫士自拍，再將相片分享上討論區。用常理角度嚟睇，呢位無名氏先生應該唔會咁做，點知佢真係一個M男，不但照足網民嘅指令去做，仲要做得幾有女人味添！OMG！真係冇眼睇！
喺性愛過程中，邊個環節最重要？對男人嚟講梗係發射一刻，之但係對女士嚟講前戲先至係最重要部分。因此唔少性學家提供各種前戲助性方法，等男士可以有效撩起侶伴嘅慾火，但邊種前戲係女士至愛呢？愛爾蘭藥品網站Superdrug Online Doctor早前做咗個調查，睇吓喺女性心目中邊種前戲最深得佢哋嘅歡心，該調查訪問咗1,500名歐洲及美洲女士，有百分之七十三受訪者表示，最能令佢哋心動嘅前戲莫過於吹口琴，當中又有百分之五嘅受訪者表示，如果男友或丈夫唔肯吹口琴嘅話，就會選擇結束呢段關係。真係愛情誠可貴，吹奏價更高呀！研究人員表示，根據佢哋嘅調查發現，唔單止女性重視吹奏，男士同樣相當重視呢種玩法，而且有助男女關係變得更加融洽。之但係，大家必須注意衞生，否則就會大失性趣。
撰文：魂