想成為一位成人漫畫家，唔單止要有創意嘅情慾題材，同埋出色嘅繪畫情慾場面技巧，仲要將女角色畫得迷人吸引，尤其係一對巨乳震撼眼球。日本成漫家奧本悠太，有「快樂的乳繪師」稱號，憑住繪畫出動人豪乳而聞名，其作品《戀染印記》更係展現出神乳魅力嘅代表作。
出生於日本大阪嘅奧本悠太，自細便鍾意繪畫巨乳美少女，花咗唔少心機練習繪畫巨乳喺唔同情況下嘅線條，例如瞓低、趴低及搖晃等，令巨乳變得更加有真實感。初出道時，為咗令更多人認識佢，便積極喺Twitter上以「裙帶菜的人」之名發表插畫及短篇成人漫畫作品，並積極參與同人漫畫嘅活動。
佢嘅作品之所以深受成漫迷歡迎，除咗因為精於繪畫巨乳美少女之外，亦擅長繪畫戀愛題材，不但充滿溫馨感，而且節奏明快，轉換到情慾場面時處理得相當好。2012年4月佢獲得喺成人漫畫月刊《Comic快樂天 Beast》上發表作品嘅機會，處女作就係單元故事《Double Lessn》，從此展開職業成人漫畫家生涯，先後推出單行本《乳Generation》及《乳戀！》，但係講到代表作，莫過於《戀染印記》喇！
《戀染印記》係奧本悠太第3本單行本，亦係最新登場嘅作品，收錄咗12個短篇故事，包括《這個女僕太自大！》、《秋之扇》、《Perfect‧Nurse‧Call》、《微熱的距離感》、《Dangerous Interview》、《朋友姐日和》、《最喜歡笨蛋之類的東西！》、《Lesson‧For‧Me》、《夜裏看遠處看傘下看的時候？》、《微醉Cherry-Pick》、《秘書的秘密》及《我不小了鄰居先生》等。而講到當中最受成漫迷好評嘅故事，就係《最喜歡笨蛋之類的東西！》及《我不小了鄰居先生》，前者被稱為充滿浪漫愛情感，結局更係出人意表，而後者則滿足成漫迷對矮小女生嘅妄想。
《最喜歡笨蛋之類的東西！》講述男主角智也同青梅竹馬好友千夏，為咗撮合智也嘅弟弟潤也同千夏嘅好姊妹瑛子，便四個人約埋一齊去玩，點知潤也竟然提議喺愛情旅館集合。到咗約會日，智也同千夏一早到達愛情旅館，孤男寡女同處一室，兩人慢慢變得心如鹿撞，而智也就趁呢個時候跟千夏表白，千夏不但答應，慾火更係猛烈燃燒起嚟。經過一次又一次狂野床戰，兩人從好友變成戀人，只係兩人搞咁耐，點解潤也同瑛子仲未到呢？
《我不小了鄰居先生》講述男主角向井某夜回家，喺公寓門口遇上生得矮小卻擁有巨乳嘅鄰居瑞希，瑞希表示自己遺失鎖匙，問向井可唔可以借宿一宵，呢個時候向井遇到暗戀多時嘅房東小姐，對方拜託向井幫忙清理貨倉，向井即開心答應，因而令瑞希心生妒忌，於是決定用身體好好教訓向井。
書名：《戀染印記》
作者：奧本悠太
出版：Wani Magazine
頁數：224頁
撰文：魂