有兩性專家指出男女雙方一定要尊重對方嘅秘密，不過能夠分享心中秘密嘅話，關係會有更進一步嘅發展。如果係咁嘅話，難怪日本十八禁遊戲廠Prekano所推出嘅最新遊戲《你好像在鮮艷的顏色之中》，令一眾遊戲迷如此期待，事關佢唔單止劇情夠特別，而迷人嘅美少女主角更係相當吸引，加上令人心跳加速嘅情慾場面，可以話係近期高質嘅成人遊戲之一。
遊戲以玩家第一身進行，故事講述最近搬到男子宿舍居住嘅男主角（即係玩家自己），由於房間仲有空位關係，於是貼出招租廣告，諗住搵個男生跟自己合租。結果嚟應租嘅係一位性格高傲嘅男生，後嚟男主角發現原來呢位拒人於千里嘅男房客，竟然係著名歌舞伎藝人嘅兒子，而佢更被寄予厚望，希望能夠以「反串」身份進軍戲曲界。面對如此一位未來紅人，男主角終於明白點解對方性格會如此孤僻。不過一次意外，男主角發現原來呢位真名叫做藤宮夕季嘅男房客，真身竟然係個女仔！原來夕季嘅父親希望佢能繼承家族演藝事業，故此將佢一直當成男仔嚟養育。男主角發現秘密後，不但冇揭發佢，反而努力保守秘密。隨住日子過去，兩人嘅關係變得愈嚟愈親密，最後會發展成點？咁就要睇吓玩家自己點揀喇！
開發商：Prekano
售價：￥10,480（約HK$723）
撰文：魂