家陣睇八卦新聞有時都不禁覺得奇怪，冇人識、又唔係咁靚女嘅女星往往會被形容為女神，佢哋只係着得性感少少，又或者將僅有嘅A奶谷出似有若無嘅事業線就被形容為「大騷Big爆身材」、「大騷事業線」云云，之但係當讀者眼盲嘅咩！咁咩叫做女神呀？橋本愛實咪係囉！
近年有好多日本寫真女郎成功入屋，除咗登上電視螢光幕之外，更加搵到好多電影演出機會，好似佐佐木心音咁就經常喺電影當中擔起裸露戲份而上位，至於有情色着衣女王之稱嘅壇蜜一樣密密有戲拍，但係近期話題性最強嘅當然就係終極女神橋本愛實啦！33歲嘅愛實深得日本國民歡心，素有「平成之團地妻」、「No.1情人」以及「國民情婦」之稱，亦係小弟最鍾意嘅寫真女神之一。愛實面孔唔係特別標致，但係散發出冶艷嫵媚之色，每個表情都深深咁吸引住男人，若然生於古代肯定可以成功足以令皇帝荒廢政務，搞到國家淪亡嘅王后喇。咁最適合愛實嘅朝世相信係唐代，因為愛實身材充滿肉感，幸好豐滿得嚟前凸後趷，上圍對純天然G奶更係美巨乳中嘅極品，令愛實嘅胴體曲線特別明顯，特別誘人！
橋本愛實自小就係一個好怕醜嘅女仔，讀書時期有一次被老師推咗去做學校音樂表演嘅指揮之後，就覺得被人注視嘅感覺相當有快感，而鍾意睇經典日劇《同一屋簷下》則進一步增加愛實作幕前演出嘅決心喇！1997年愛實憑住參加第7次全日本國民美少女比賽並獲得表演部門獎而入行成為模特兒，16歲就作出第一次水着演出，到20歲拍劇，套劇就叫做《東京美人》。隨時時間過去，愛實嘅韻味愈來愈濃，演技亦漸漸提升，家陣愛實可以話係電影圈嘅演出常客，更加參演過重頭巨製大河劇《真田丸》添！最近愛實亦有一部擔正演出嘅電影《光》，如果大家係愛實嘅粉絲就一定唔好錯過喇，事關愛實於戲中有激情床上戲！
愛實可能因為工作太忙，搞到現時仲未有男朋友，如果大家想做佢男友甚至係老公的話其實唔係一個大問題，但係最大問題就係有冇銀！愛實表示希望未來嘅伴侶有過百萬元年薪，佢話唔係貪錢，只係想婚後唔需要工作，可以全職照顧仔女做個持家有道嘅家庭主婦啫！愛實你等等啦，等我中咗注5千萬嘅六合彩就嚟娶你喇！
簡介：近期橋本愛實工作相當忙碌，成日都四圍表演同宣傳，想緊貼住愛實嘅動向就要多多留意其微博喇！當中仲有好多性感相可供欣賞添！
網址：https://twitter.com/manami84808?lang=ja
年齡：33
身高：5呎6吋
三圍：35G-25-35
撰文：賢