一個人上咗位，放個屁都係香嘅！唔係咩？女神Dani Daniels淡出脫星界後，從事藝術創作，搞得有聲有色，成功轉型，事業一帆風順，食住個勢又點可以畀佢停，近期佢仲同好多單位合作添！好似早前嘅「International Coffee Day 」，即係國際咖啡日，原意係提高全球人類對咖啡種植者嘅困境認識，同時促進咖啡公平貿易，本來巴打應該好好享受咖啡，之不過Dani Daniels就以「咖啡鑑賞家」嘅身份，搵咗間咖啡豆公司合作推出名叫「Dani's Billion Dollar Blend」咖啡。據官方表示，呢個女神咖啡混合咗埃塞俄比亞及蘇門答臘咖啡豆而成，2磅售價為50美元，依家喺網站限量發售，如果市場反應好，佢哋仲會大量投產添！坦白講，細佬對咖啡毫無認識，但我就日日夜夜（目及）實女神嘅社交網，卻甚少見到佢歎咖啡享受人生，而Dani Daniels竟然話：「咖啡係每位脫星開工前必備嘅生存工具，咖啡可以令人亢奮，亦可以令人放鬆，無咗咖啡，真係唔知點埋位！」Dani Daniels仲話自己最愛喝黑咖啡，真係唔知女神邊句真喇！