日本有好多靚女出賣肉體，我唔係指佢哋從事不道德行業，而係憑住一副姣好身段拍寫真搵食啫！之不過身材好唔代表銷量好，因為觀眾緣都好重要。被稱為「日本第一暢銷Body」嘅忍野沙羅身材好又美艷迷人，相當受歡迎，難怪工作特別多，唔愁搵唔到食啦！
日本寫真界近年出現好多迷人又惹火嘅Body，例如有「寫真界最強Body」染谷有香，又有「日本一黑Body」橋本梨菜，仲有「寫真界最陽光Body」久松郁實，至於今次同大家見面嘅Body一樣唔輸蝕，佢就係被稱為「日本第一暢銷Body」嘅忍野沙羅喇！
22歲嘅沙羅係小弟近年最欣賞嘅寫真妹之一， 一來佢天生麗質，樣子綺麗迷人，不乏青春美之餘同時散發出一股銷魂女人味，一雙水汪汪又圓睩睩嘅大眼睛更係電力非凡，當佢望實你嘅時候即會感到全身酥麻。而沙羅嘅極品胴體亦令人感到全身火燙，原因係圓潤雪白，有肉感得嚟又曲線玲瓏，純天然嘅飽滿G奶以及渾圓美臀俱極之誘人，令呢副胴體渾然天成，無可挑剔。
沙羅除咗身材激凸之外，亦能夠發揮魅力嘅重點，擺出嚟嘅姿勢都凸顯出身體嘅高度柔軟性，睇落的確係同其他寫真妹大有分別。至於點解沙羅嘅筋骨咁柔軟呢？原因可能同佢自3歲起學習芭蕾舞有關。提到寫真演出，沙羅讀高中嘅時候已經開始從事模特兒工作，後來去咗做賽車女郎，2016年推出首隻寫真映像作品《任性》打響頭炮！
到推出第二隻映像作品《Re-Born》時，沙羅嘅名氣火速上升，呢部作品嘅藍光碟版本更加喺Oricon嘅寫真映像作品銷量榜連續3星期奪得銷量冠軍，厲害！及後沙羅嘅作品銷量都相當理想，加上經常成為雜誌封面女郎，因而有「日本第一暢銷Body」之稱！不過，沙羅喺一次訪問當中就表示如果以100分作為發憤目標的話，佢家陣只不過得50分咋！希望阿妹未來可以加倍努力，將自己嘅魅力盡情發揮，祝你成功！
年齡：22歲
身高：5呎4吋
三圍：38G-23-33
簡介：忍野沙羅近期全情投入寫真演出工作，從其Twitter當中更加可以睇到好多沙羅性感演出嘅花絮，令大家目不暇給。
網址：https://twitter.com/oshino_sara
撰文：賢