由於日本漫畫《出包王女》嘅人氣實在太高，故此喺2010年4月完結後，隨即食住個勢推出續集《出包王女Darkness》，將故事核心轉到一眾女角色身上，戰鬥成分大大提高之餘，賣肉度同性暗示內容更加踩界，人氣比前作更上一層樓。當中幾位女角色，以古手川唯最受歡迎，成為讀者票選嘅人氣角色第一名，而呢個模型正係古手川唯嘅最新登場作品。今次佢化身成小魔女，頭上多咗對角，造型相當可愛。當然模型嘅吸睛位唔單止在於對角咁簡單，仲有佢超性感嘅衣着，幾乎係大開中門嘅露肩連身裙，露出一對激凸巨乳，而從上面俯視落去嘅話，會發現巨乳嘅露出度更大，配合露出香肩嘅造型，提升唔少女人味。另一個吸睛位喺佢嗰條細到爆嘅底褲度，從前面睇好似唔多覺有乜嘢，只係當大家從後睇嘅話，卻會發現美股近乎全露出，絕對係超養眼！另外，不得不讚原型師嘅功力，皆因模型嘅細位做得相當精緻，尤其係裙襬嘅縐褶位，相當有質感。