正所謂一張廁紙同一條底褲都有佢本身嘅用處，但係如果一個人被當成廁紙或底褲咁用完即棄，相信內心一定會唔好受，咁若然被當成能夠循環再用嘅飛機杯又點睇呢？咁就要問吓日本AV小天后紗倉真菜至知喇！作為SOD專屬陣容三大當家花旦之一嘅紗倉真菜擁有童顏巨乳，床上實力喺AV界可以話數一數二，近年除咗拍AV及拍粉紅電影外，真菜仲做埋官能小說家，實行作多線發展，為引退鋪路。不過，作為SOD一直以來都咁重視又重用嘅女優，真菜幾忙都好，SOD叫到一定唔會托手（月爭）！
早前真菜為SOD旗下嘅飛機杯品牌主持「TENGA萬聖節扮嘢大賽」，當日佢可謂犧牲形象，打扮成TENGA飛機杯，全身都包到實一實，真係辛苦晒阿妹喇！今次嘅扮嘢比賽由10隊人參加，表演短劇、舞蹈等等，再由真菜以及另一位評判品評，最後由二人女Cosplayer組合PariPism以火辣舞步贏得冠軍。
撰文：賢