快感無限Loop

情色俚語：Booty Loop 尋覓囡囡

據講每位鍾意獵艷嘅男士都有自己嘅一條獵艷路線，意思即係知道某日某時喺某個地方最能搵到心儀嘅女性，英文就叫做「Booty Loop」。喺英文俚語中，「Booty」解做女性嘅臀部，而「Booty Loop」則係指一條特定嘅循環路線，男士只要跟從呢條路線走嘅話，自然可以搵到心儀嘅女性。當然，呢條路線唔一定係用腳行，亦可以係踩單車或者係揸車。事實上，美國有啲玩家會揸車去某幾個特定地點去搵街女Happy，而呢種特定路線正正係「Booty Loop」。不過話說回來，喺美國夏洛特嘅邁爾斯公園（Myers Park）地區有條外號叫「Booty Loop」嘅緩步跑路線，不過佢同獵艷一啲關係都冇，大家千祈唔好諗多咗呀！

玩樂辭典：Loop-de-loop 床上體位

每種性愛體位都有個正統嘅招式名稱，之但係其暱稱更加深入民心，好似後進式體位，會稱做推車仔。至於「Loop-de-loop」又係指乜嘢體位呢？咪就係我哋俗種嘅六九兩頭勾囉，相信大家都知道點玩。不過大家要留意，「Loop-de-loop」係美式俚語，換言之只有喺北美地區嘅人先至聽得明。而情色俚語中仲有個叫「Loop the Loop」，佢唔係指飛行特技中嘅翻斛斗動作，亦非一時頭向天一時頭向地嘅機動遊戲，而係指啪啪啪。之所以有呢個稱號，係因為進行床戰時，男女碌嚟碌去就好似翻斛斗，於是就有呢個稱呼。

美國四仔系列：《Girlie Loops》 重溫經典艷星

今時今日，美國四仔固然大有市場，其實喺上世紀嘅60年代末至80年代中期，亦係美國成人電影嘅黃金時期，不但有眾多經典之作，亦出現唔少著名艷星。由美國四仔片廠Sunset Software推出嘅《Girlie Loops》系列，正係為記錄黃金時期一眾極具代表性艷星經典演出嘅回憶合輯。呢個系列嘅首部作品係喺2005年7月推出嘅《Girlie Loops 1》，及至2006年7月推出最終章《Girlie Loops 6》。不過講到系列最具代表性嘅一集，始終係頭炮作《Girlie Loops 1》，事關片中收錄咗Linda McDowell同Kellie Everts呢兩位人氣極高艷星嘅演出。生於1951年6月18日嘅Linda McDowell喺1971年開始演出成人電影，憑住高貴氣質加上C罩杯巨乳而獲得極高人氣；Kellie Everts嘅來頭更勁，喺1945年7月16日於德國出生嘅佢，憑住46DD豪乳成為美國著名艷舞女郎，而佢更喺1967年獲得環球裸體小姐殊榮，佢最令人印象深刻嘅地方，在於佢超濃密嘅黑三角。

日本AV系列：小向美奈子 惡性循環

濫藥真係害人不淺，講緊嘅係陷入濫藥、被捕、出獄，再因濫藥而被捕又再出獄嘅AV女優小向美奈子。喺1985年5月27日於日本埼玉縣蓮田市出生嘅小向美奈子，15歲出道拍寫真，憑住甜美又純情嘅外形，加上迷人嘅巨乳，好快喺寫真界同電視圈走紅。可惜爆紅之後，佢嘅生活變得愈嚟愈混亂，更傳聞佢濫藥，結果喺2008年被事務所解約。2009年1月佢因藏有違禁藥物被捕，被判刑1年6個月及緩刑3年。同年6月佢喺淺草劇場「Rock座」表演脫衣舞，呢次演出被AV片廠SOD全程攝錄，之後推出名為《Dangerous Stripper》嘅AV作品。雖然片中只有裸露鏡頭卻無性愛場面，嚴格嚟講並唔算AV，但卻獲得極大回響，而美奈子憑此片喺2011年1月SOD大賞中獲得最優秀女優大獎。點知喺同年2月25日，佢因吸毒而被捕，獲釋後推出由Alice Japan出品嘅正宗AV作品《AV女優 小向美奈子》，正式宣告投身AV界，2012年獲得「第21屆東京體育報電影獎」嘅榮歸獎，卻喺2015年2月再次因藏有興奮劑當場被捕並收監。出獄後佢雖然身材走晒樣，但幸好巨乳更加澎湃，憑此繼續AV女優工作，並重新投入脫衣舞演出。

撰文：魂