一個人有財有勢仲差啲乜？咪權力囉！呢方面四仔廠Vixen老闆Greg Lansky好快就攞到手，連業界都要忌佢三分呀！點解咁講，因為佢夠霸氣，出手又闊綽，當日你笑佢土豪，但Greg Lansky繼續堅持Cash Is King，揮金如土，要用靚人靚景拍四仔，打造最高檔色情王國，咁當然仲未算稱霸美國四仔界，但家陣一講到最豪、最潮、最爆嘅四仔製作，全球四仔迷都會自動Click入「Vixen.com」（目及）吓有乜新嘢睇囉！
得到咁多四仔迷撐，要攞埋四仔話事權其實唔難，但睇Greg Lansky走勢似乎仲嫌未夠爆，今個月「Vixen Angel」佢就一改慣例玩大佢，過往做法係發新聞稿通知各大傳媒，再喺官網及社交網發相，而今次Greg Lansky就選擇率先喺IG玩現場直播，宣布近期是非多多嘅Lana Rhoades係Vixen Angel，咁都未夠，過往都係派吓禮物畀囡囡，影幾張個人寫真就收工，呢次Greg Lansky就話食住年底頒獎氣氛濃厚，搵嚟一大班男優做人肉布景板，個個西裝骨骨，模仿頒獎禮行紅地氈現場咁襯托Lana Rhoades出場，拍片兼影相搞到阿妹好似攞最佳脫星獎咁威，表面睇Lana妹巴巴閉，但其實你話Greg Lansky想控制「民意」都唔過分，又即管睇吓嚟緊Lana Rhoades係咪堅得獎啦！
撰文：祖