呢個年代仲邊有人買年曆o架？莫講話你唔買，甚至連脫星本人都費事出，無謂連本都蝕埋，再者上鹹網J圖睇到你嘔，年曆根本無存在價值，但係為慈善出力嘅話，相信四仔迷都會支持。
向來愛貓如命嘅四仔金牌經理人Mark Spiegler，旗下美女如雲，更有Spiegler Girls之稱，最近佢喺官方社交網宣布推出2018年年曆，齊集13位正爆Spiegler Girls以辣跑作背景拍攝，本來冇乜特別同吸引，但係佢話將所有收益撥捐畀一間愛護動物組織「The Animal Rescue Alliance」（簡稱T.A.R.A），相當有愛心。細佬瀏覽過該動物組織官網，自2011年由一位叫Kelly Holland愛心人士創立，位於加州一個有4英畝嘅農場，為被遺棄及受虐待嘅動物提供保護協助，由於人手及財力有限，佢哋歡迎各界志願者捐贈或財政援助。施比受更有福，既然脫星都可以無條件晒波行善，區區嗰30美元（約234港元），四仔迷唔係唔支持嘛，假如你嚟緊去新澤西嘅「EXXXOTICA Expo 2017」博覽現場購買年曆仲可以平5美元添！
撰文：祖