男人最開心係同班兄弟一齊睇波，同時一邊隊啤一邊食薯片，不過好多人覺得有美酒又有美人相伴咁先算係此生不枉過！早前喺日本新宿舉辦嘅「Mine's娘酩酊大醉之夜」就有美女又有美酒任人隊喇！呢個活動已經舉辦到第10次，事務所為隆重其事，搵嚟20位女優同AV迷一齊豪情暢飲，真係聽見都興奮呀！至於今次有咩女優呢？熱衷為公開活動演出嘅君戶步實、尾上若葉及彩音遙菜梗係有份啦，仲有美人妻明里友香、新垣智江、清本玲奈、涼海美沙、武藤津久美、森保沙奈、白井柚香等等，雖然大部分都唔係名氣十足，但係勝在夠人多勢眾，招呼AV迷又夠親切落力，相信各位來賓都唔會有投訴。
喺活動開始之前，武藤津久美突然喺空中現身，化身為性感黑絲貓女郎為大家表演空中舞蹈，非常精彩，睇到現場觀眾拍爛手掌。之後武藤津久美匆匆忙忙咁返入後台換衫，跟住佢同眾多女優一齊出場宣告大會正式開始！由於是次活動日子接近萬聖節，所以有好多女優都扮鬼扮馬示人，例如可愛嘅涼海美沙戴咗頂南瓜帽，不過講到扮相最突出就係彩音遙菜以及七菜原可可喇！遙菜化身成《寵物小精靈》當中嘅伊貝，至於可可就扮比卡超，佢哋賣相可愛兼滿場飛，令現場氣氛相當熱鬧。
活動中嘅酒精飲品無限量供量，班女優好似唔使本咁猛咁飲，美人妻明里友香話咁快就飲到醉醺醺，而其他女優亦幾杯到肚後愈玩愈放，森保沙奈更加同白井柚香互相撫摸添！活動當中表演就冇乜喇，大部分時間都係女優同班AV迷一齊飲酒，最精彩就係抽獎環節，禮物係由女優們捐出私人物品，包括有唇膏、牛仔褲、手巾、浴巾，甚至有胸圍底褲添！抽獎環節完畢之後，活動就喺大家都醉醺醺嘅情況下結束喇！至於下一次嘅同樣活動將會喺11月27日以及12月14日舉行，大家有冇興趣同班女優一齊隊酒呢？
撰文：賢