話唔砌又落場砌，砌完又話實情唔想砌，無奈搵唔到接班人要焗住砌！邊個把口咁賤，面對一線脫星都嫌唔啱砌呢？睇怕全球得意大利男優Rocco Siffredi一個囉！無錯，呢位現年53歲嘅猛男，22歲入行，砌足31年，喺2004年時曾宣布為咗湊仔唔再落場砌，專心幕後工作，點知冇幾耐又復出，而且砌得仲甘，每套作品都係超重口味演出，所以話男人邊信得過吖！
Rocco Siffredi食盡天下脫星，但係佢成日話要搵接班人，結果佢開咗全球首間「色情大學」Rocco Siffredi Academy，廣招全球有意加入四仔界嘅男女，傳授床上技巧。而Rocco Siffredi嘅學生當然會成為四仔嘅男女主角啦！「一條龍」玩晒，Rocco Siffredi發達唔使問點解，不過佢仲嫌未夠爆，連網絡界都撈埋，早前佢同視頻網站「CamModels」合作台推出淫亂真人騷，網友可以睇到Rocco Siffredi現場直播食女過程，當然年過半百嘅Rocco哥又點會同你砌足全程吖，佢只係客串吓，真正落場嘅係佢一班學生，為咗吸引大家睇騷，最近推出幾場免費騷任睇，十幾位學生一齊上床互片，可算係有史以來最淫亂嘅現場直播呀！可惜歡樂嘅時光過得特別快，免費兩日就冇晒，想睇？畀錢啦！
撰文：祖