不論係日本AV界定成人漫畫界，愉虐同禁斷都被視為暗黑題材。不過相對AV嚟講，成人漫畫喺表現呢啲題材上，更可以展現出成人漫畫家嘅創意。好似成漫家幾夜大黑堂，不但擅長禁斷、性別轉換、易服等題材，同時加入喜劇元素更具觀賞性，單行本作品《好想要！想穿衣服!?脫掉吧!!》正係其代表作。
日本成人漫畫家幾夜大黑堂有另一個筆名叫幾屋大黑堂，專門用嚟發表成人同人漫畫，雖然呢兩個筆名都相當騎呢，但係又相當易記。喺岐阜縣出生嘅佢，早喺千禧年初已經活躍於日本同人漫畫界，最初以繪畫插畫為主，慢慢習得編寫故事技巧後，便開始漫畫創作工作，偶爾亦會創作十八禁成人漫畫，佢嘅漫畫作品有個特點，就係鍾意以禁斷、性別轉換、易服等作為創作主題。
所謂性別轉換，即係本身係男或女兒身嘅主角，因某啲原因變成女仔或男仔，然後跟其他角色發生感情。可能有人會話呢類題材喺成漫界中相當普遍，又有幾新奇呢？冇錯，呢類題材喺日本成漫界並唔新鮮，但係劇情往往都係誇張同極度淫亂，反觀幾夜大黑堂嘅作品加入喜劇元素，令原本頗為重口味嘅題材，變得平易近人。此外，佢筆下嘅美少女角色有美艷亦有萌味十足，畀到讀者唔同嘅視覺享受。
憑住佢喺成漫界嘅人氣不斷提升，冇耐獲得喺成人漫畫月刊《Comic Penguin Club》上發表作品嘅機會，宣布正式成為職業成人漫畫家。獲得高人氣之後，梗係要乘勢推出成漫單行本，喺2005年12月便推出《J杯與玩具與制服》，反應極佳，及至2007年2月推出第二本單行本《好想要！想穿衣服!?脫掉吧!!》，更成為佢嘅代表作。
《想要！想穿衣服!?脫掉吧!!》收錄咗幾夜大黑堂於2004年至2006年間，喺成漫月刊《Comic桃姬》嘅作品，包括《Cross×Dress》前、中及後3篇、《我的老師》、《莉瑠佳》前及後2篇、《探險慾望的城市》第1至第5篇，當時成漫評論家稱佢將慾望妄想透過色氣滿溢嘅漫畫呈現晒出嚟，絕對係不能錯過嘅作品，當中《我的老師》及《探險慾望的城市》更係最值得欣賞。
大家唔好誤會《我的老師》中嘅老師係指學校嘅老師，查實佢係指漫畫家。原來喺日本漫畫行業中，漫畫助手會稱漫畫家做老師，而故事中嘅女主角泉美，佢嘅身份正係一名成人漫畫家嘅助手。由於泉美妄想力太強，故此喺成人漫畫嘅威力下，令佢忍唔住出現各種性幻想，並且偷偷地用漫畫工作室內僅餘嘅一支箱頭筆自娛，卻唔小心被漫畫家發現。泉美擔心漫畫家誤會，正想辯解之際，對方先一步跟泉美表白，然後兩人就咁發生關係。
《探險慾望的城市》講述男主角幸市喺表姐邀請下，到對方喺東京經營嘅ACGN店兼職，點知幸市喺途中迷路，好彩獲得喺街頭派傳單嘅女僕咖啡店美女店員雉火帶路。不過正當佢哋出發之際，意外地遇到兩個流氓纏擾，雉火帶住幸市逃回自己工作嘅女僕咖啡店躲避。雉火因為幫唔到幸市忙，還令對方捲入麻煩中而感到非常內疚。雖然幸市表示唔介意，但雉火仍決定要作出補償，趁其他店員仍未返工嘅時候跟幸市開波。完事後，幸市發現原來呢間咖啡店，正就係表姐所經營嘅ACGN店其中一間分店！
書名：《好想要！想穿衣服!?脫掉吧!!》
作者：幾夜大黑堂
出版：富士美出版
頁數：182頁
撰文：魂