面對全球素人「自作業」式透過視頻網站剝衫晒波玩自摸搵銀，結果嚴重影響傳統成人娛樂行業嘅收入，打爛脫星飯碗，擾亂色情秩序，究竟業界有乜嘢反擊方法呢？最簡單嘅方法就係將素人變成脫星，而呢招率先由四仔廠ArchAngel嘅導演兼男優MimeFreak實行。ArchAngel呢幾年上位好快，無奈面對網絡脫星如洪水猛獸，實力再強嘅MimeFreak都話撐唔住，惟有向現實低頭，於是成立「Beginners Luck Productions」，開埋官方網站，目的係要將有志加入脫星界嘅素人，又或純粹透過裸體呃飯食嘅囡囡收歸旗下，邊件囡囡彈得起，就會幫佢拍片，「人人做脫星」係咪好橋先！老實講，呢啲招數廢到冇朋友，純粹係以本傷「淫」，利用自己喺業界嘅權力、財力同號召力，盡攬素人變成合約脫星，表面係樹大好遮蔭，查實係干預自由市場，之不過作為四仔迷又邊會理得咁多，總之有好嘢睇就冇問題！