經常有人問成人遊戲有乜好玩，其實答案好簡單，同啲人點解鍾意睇AV一樣，就係為咗追求當中嘅樂趣囉！當然加埋有趣嘅劇情同性感嘅女角色，令遊戲性更強，好似由日本成人遊戲廠Wonder Fool最新推出嘅作品《純情化憐Freaks》正係畫面、色氣同劇情兼備之作。
故事發生喺一個空想世界，喺呢個世界中，人類、妖怪及精靈共存，而男主角庚幹貴居住嘅島嶼島上，有成8成島民都係精靈一類嘅異種族，雖然佢哋嘅形態同人類有分別，有趣嘅係佢哋同人類一齊返學、返工同生活。本來庚幹貴同大佢一歲嘅表姐靜海喺島上過住平靜嘅生活，點知有日失去音信多年嘅青梅竹馬人類好友柳川幽香，竟然以幽靈嘅姿態出現，庚幹貴唔知道，原來幽香返嚟嘅目的係希望得到佢嘅愛，以為三個同一屋簷下嘅愛情生活就咁開始？錯！事關冇耐庚幹貴發現，靜海竟然係具有再生能力嘅異族，而佢身邊嘅親友亦接連不斷變成同樣嘅異族，正當庚幹貴感到震驚嘅時候，佢遇上實習異族研究員沼樂坂理央及其助手九十九，喺兩人嘅幫助下，庚幹貴踏上調查為何人類變成異族之路。
開發商：Wonder Fool
售價：￥8,800（約HK$616）
發售日期：2017年10月27日
撰文：魂