老一輩經常指摘後生仔女唔定性，但老實講吖，做人應該敢於嘗試，選擇行唔同嘅路！喺日本寫真界，青春派美少女除咗胴體鮮嫩，演出亦變化多端，樂於嘗試扮演不同角色，為觀眾帶來新鮮感，好似栗原美沙同神谷繪里奈呢兩位寫真女優就係最佳例子啦！
日本寫真界有好多不同風格嘅女優，除咗巨乳系、巨尻系、微乳系，仲有曬到一身古銅膚色嘅日燒系以及可愛到震嘅小動物系。提到小動物系女優，最出名嘅當然係貓目巨乳少女青山光啦！但係仲有另一位貓目少女拍得住光妹，佢就係栗原美沙喇。美沙嬌俏可愛，萌味十足，一雙眼神又圓又大又明亮，的確同貓眼一樣咁耀眼，故被人稱為貓咪美少女。
不過，美沙唔係一味賣萌而冇才華，佢彈得一手好鋼琴，更多次喺舞台劇當中為大家表演鋼琴彈奏。作為一介熱血男兒，當然比較鍾意欣賞美沙嘅寫真演出啦！阿妹於新作《もっとむちみちゃ》中打扮性感，不過今次唔扮貓貓，而係扮兔女郎賣弄可愛感覺，亦會有出浴場面挑逗大家嘅視覺，以圓潤身材以及甜美笑容取悅觀眾。
碟名：《もっとむちみちゃ》
收錄時間：70分鐘
售價：約HK$293
神谷繪里奈同現時人氣極高嘅童顏巨乳新貴天木純一樣，出身於地下女子組合「仮面女子」，兩人情同姊妹。雖然神谷繪里奈不論美貌與身材都不比天木純遜色，但係由於要治理眼疾而有一段日子暫停工作，幸好繪里奈雙眼已經回復健康，仲流露出動人神采，終於可以全力演出，唔畀天木純搶晒人氣喇！
喺本作《人間陶器》當中，繪里奈會盡情發揮性感魅力，展露一副猶如陶瓷一樣細緻滑溜嘅鮮嫩胴體，扮演教師、女校生等角色之外，亦會大玩健身、籃球、羽毛球，展現活力十足嘅一面，當然最重要係畀大家欣賞到其極品G奶隨住運動而高低跌盪啦！
碟名：《人間陶器》
收錄時間：100分鐘
售價：約HK$293
撰文：賢