當大家睇到極度鹹濕又極多汁液橫飛嘅日本成人漫畫時，唔好以為一定只有男性成人漫畫家先至畫到呢種極淫嘅感覺，其實女性成漫家同樣可以帶畀大家呢種效果，好似綾枷千代子嘅代表作《年上上等》正係當中一個好例子。
出生於日本福岡宗像市，並喺福岡定居嘅綾枷千代子，早喺2000年開始漫畫工作，不過當時佢並非主力畫漫畫，而係繪畫插畫為主，偶爾先至會創作漫畫。可能因為佢專注於插畫創作，所以畫工相當唔錯，唔單止筆觸纖細，筆下嘅女角色個個都萌味十足，加上激凸嘅上圍更係相當誘人。另一個有趣嘅地方，就係當時佢所創作嘅漫畫以成人漫畫為主，更鍾情姊弟戀嘅情慾故事，佢表示覺得呢個組合可以帶畀讀者更大嘅情慾聯想。
隨住佢嘅人氣愈嚟愈高，2012年時獲得喺成人漫畫月刊《Comic Hotmilk》上發表作品嘅機會，正式展開成人漫畫創作嘅生涯，其後佢喺日本成人漫畫網站「Kill Time Communication」發表作品，人氣更係大爆發。雖然如此，佢工作嘅重點仍然以繪畫插畫為主，所以成漫產量唔多，雖然唔少粉絲希望佢能專注番成漫創作，但佢解釋自己最大嘅夢想係成為一位出色嘅插畫家。
日文「年上」有比自己年紀大嘅意思，顧名思義綾枷千代子嘅代表作《年上上等》，就係圍繞一眾比男主角年紀大嘅女性所發生嘅情慾故事，當中收錄嘅作品包括有《隱藏巫女》、《麻美的情事》、《跟阿姨不能玩的遊戲》、《戀物癖老師》、《網絡女孩》、《請跟我簽契約吧！》、《下酒小菜注意報》、《柔順遊戲》、《懷孕☆魔女》、《跟XX一起高潮》、《Secret Love》、《Secret Love～注意飲酒過量～》及《Secret Love～還是喜歡你～》等合共12個故事，雖然每個故事都有其獨到之處，但講到最多人推介嘅便要數《麻美的情事》同《網絡女孩》呢兩個故事。
《麻美的情事》以男主角明彥同大佢幾年嘅青梅竹馬女友麻美嘅床戰開始講起，話說麻美跟明彥撒嬌，並要向明彥證明自己已經係成年人，於是將明彥推倒床上，激情過後，明彥終於記得自己細個時，曾發誓要娶麻美做老婆，而結果兩人又會否做得成夫妻呢？
《網絡女孩》講述電玩迷男主角宮野響係一個冇人氣嘅網絡漫畫家，而佢喺網絡遊戲中認識咗一位名叫多多良千尋嘅女網友，阿響跟千尋表示如果對方做佢助手，相信自己一定會有動力創作。點知第二日千尋真係嚟搵阿響，但係佢並非嚟做助手，反而將阿響綁起兼蒙眼，然後大玩拘束情慾遊戲。激情過後，阿響以為自己只係發咗場夢，點知呢個時候千尋竟然出現喺佢面前，究竟千尋咁做係有咩目的呢？
書名：《年上上等》
作者：綾枷千代子
出版：Core Magazine
頁數：192頁
撰文：魂