仲講Sunny Leone？你估我想嘅咩？鬼叫歐美四仔迷係都唔肯放手，即使阿姐退隱多年，返家鄉印度從良拍大電影，四仔迷對呢位經典脫星依然念念不忘，難怪美國成人傳媒經常報道有關Sunny Leone嘅新聞。近日「Adult Empire」宣布當年由Sunny Leone成立嘅個人四仔製作室SunLust Pictures推出嘅作品會喺官網重新發售，即係話巴打以後唔使左摷右摷，可以一站式睇晒Sunny Leone多套作品。
大家會覺得奇怪，SunLust Pictures喺2008年成立，推出咗8套四仔，咁點解喺「Adult Empire」竟然有25套咁多呢？好簡單，因為除咗嗰8套有Sunny演出外，其餘都係阿姐監製嘅作品，咁即係話「Adult Empire」表面上係扮好心滿足Sunny Leone嘅粉絲，實情係有錢賺到盡囉！而10年前嘅作品仲有人睇咩？Sunny Leone喺四仔迷心目中係永遠嘅女神，一定會支持到底！不過最陰功睇怕都係Sunny Leone本人，話晒佢已嫁為人妻，喺印度有名有利，過住名媛生活，無奈喺歐美等地，男人仍然當佢係現役脫星看待，一世都撇唔甩「床上脫星」呢個朵，換轉係你都唔知好嬲定好笑囉！
撰文：祖