日本嘅經典漫畫絕對唔少，好似喺上世紀80年代尾開始就已經紅到爆嘅《魔法陣都市》正係其中之一，及後更被改編成舞台劇，除咗因為劇情夠科幻，女主角夠迷人外，一眾火辣女配角亦居功不小，好似今次介紹呢個模型，就係嚟自呢套作品中嘅蕾比亞‧馬培力克（Lebia Maverick）。雖然蕾比亞喺漫畫中只係大配角，但憑住金髮女郎嘅外形，加上激凸嘅上圍同修長美腿，令佢擁有不少人氣。呢個模型不但忠實還原作品中嘅精髓，以牛仔Jacket加水着造型登場嘅佢，更展現出誘人無比嘅魅力，彎腰倒奶嘅甫士，令一對豐滿雙峰更有視覺效果，深溝相當吸睛，絕對贏晒！不過大家唔好以為佢嘅賣點只得心口同一雙修長美腿，從後面睇嘅話，更會有精彩嘅發現，須知道蕾比亞火辣身材並非浪得虛名，渾圓美股同樣殺傷力極大，以半脫泳褲造型示人嘅佢，露出股溝足以叫人心跳加速，不論係咪佢嘅粉絲，都會被佢深深迷倒。