性生活喺男女關係之中有重要嘅地位，但係唔少人誤以為想令性生活幸福，只需要有得做，同想做就做呢啲就叫性福。其實兩性關係中嘅性福，唔單止係一種生理需求，更係心靈交流嘅橋樑，不過現實中卻又有好多原因，會影響大家嘅性福。台灣婦產科醫生、兩性私密康復及再生醫學研究者、現任亞太抗衰老及健康管理協會副理事長李伯寧，便透過著作《醫生，我的妹妹想幸福》解答兩性關係中各種煩惱。究竟兩性相處時會有乜嘢煩惱呢？作者喺書中會為大家逐一舉例，當中包括熟女跟小鮮肉之間嘅情慾關係、新婚夫妻遇到嘅床上及床下問題、遇上習慣性出軌男應該怎樣做、更年期出現嘅性冷淡、產後陰道鬆弛、假高潮、處女膜情意結等等，內容幾乎涵蓋所有閨房內外嘅困擾同疑惑。