喺好色之徒嘅世界中有個都市傳說，就係如果想喺陌生嘅地方，搵到最地道又最有質素架步，最好嘅方法就係問當地嘅的士司機，下次大家可以試吓。而講到司機同Driver，唔單止有唔少同佢哋有關嘅情色俚語，仲有以佢哋為題材嘅經典作品添！
按字面直譯嘅話，「Truck Driver」解做貨車司機，但話明係情色俚語，又點會咁簡單呢？原來喺情色俚語界中，「Truck Driver」有三個唔同嘅意思：（一）指喺男男或女女嘅同性關係中，擔當男性角色嘅一方；（二）起初係用嚟形容女同性戀者，但隨住大家使用習慣唔同，近年泛指所有同性戀者；（三）係外國色情業中嘅術語，指一啲只會對同性客人提供服務嘅色情從業員，不過大家要留意，佢哋喺服務中只會擔當「1」嘅角色。另一方面，雖然佢哋係色情業從業員，但佢哋並唔會將性取向公諸於口，換言之佢係唔會拒絕異性客人嘅要求。
從英文字典會查到「Pile」有堆積、大量、橋樁等嘅意思，但係查完字典都唔知呢個情色俚語係乜嘢意思。其實佢係指一種性愛體位，至於點玩法呢？只要睇過AV，都會見過呢個動作，女方先瞓底並將雙腿提起，腳掌放喺高於自己頭部嘅位置上，雙膝則緊貼胸部，男士則趴喺對方身上，然後進行猶如打樁機式嘅活塞運動，而呢招喺我哋廣東話中，就係叫做打樁機喇。
另外，英國有成人媒體對歐美脫星進行調查，問佢哋最討厭邊種性愛體位，結果發現最多脫星討厭嘅體位，正係呢招「Pile Driver」，理由係佢哋好多時做到腳軟，而且唔少男優都體格健碩，令佢哋容易傷及腰骨。至於佢哋最愛邊種性愛招式呢？答案係推車仔，原因好簡單，既唔使氣力又可以喺鏡頭前做晒反應，一舉兩得。
荷里活有套經典電影叫《Taxi Driver》（港譯：《的士司機》），曾被四仔片廠Pleasure Dynasty惡搞一番，喺2011年7月推出《Taxi Driver - A XXX Parody》，由著名四仔導演General Stone執導，由資深男優Tommy Pistol帶領Misty Stone、Lily LaBeau、Chanel Preston、Jessie Andrews等美艷脫星演出，唔單止情慾場面有聲有色，劇情亦相當給力，故事講述Tommy Pistol係一個寂寞嘅夜班的士司機，游走於性與罪惡交織大都市中嘅佢，暗中執行清除罪惡嘅行動，同時又跟多名女性發展肉體關係，卻因此捲入罪案之中。Tommy憑住出色嘅演出，喺2012年XBIZ頒獎禮中奪得最佳演出獎。大家唔好以為所謂演出，僅指Tommy喺床上嘅表演，事實上佢嘅演技相當出色，事關佢投身四仔界之前，其實係舞台劇演員。另外，自從佢獲得最佳演出獎後，於XBIZ頒獎禮上連續3年獲得最佳男演員大獎，足見佢嘅演技同床技都一流。
喺2009年8月推出嘅AV《Taxi 3》，由草凪純扮演風騷女的士司機，當時獲得極大嘅回響。喺1978年6月5日於日本東京出生嘅草凪純，於1996年10月以藝名加納瑞穗推出處女作《Pin Pin Girl》，憑住37-20-33嘅魔鬼三圍及甜美嘅樣貌而極速上位，翌年佢宣告退出AV界，以藝名淺海成亞發展寫真女優嘅工作，喺1998年佢宣布復出拍AV，翌年以現有名字推出作品《巨乳轉生》之後又引退。2000年佢喺淺草樂座表演脫衣舞，同時以藝名June進軍美國裸模界。經過多年輾轉，佢喺2006年1月再次復出，並繼續以草凪純之名推出作品，近年已淡出AV界。《Taxi 3》不但喺日本有相當嘅名氣，由於草凪純曾進軍過美國裸模界，兼且呢套片係由專攻海外AV市場嘅片廠Caribbean出品，故此呢套AV喺外國大受歡迎，正因為呢個緣故，被視為經典之作。
撰文：魂