每樣事物總係有起碼兩個角度去睇，而得出乜嘢結論，則視乎睇嗰個人係乜嘢心態，如果佢諗邪嘢，當然係邪念十足，好似早前日本網絡有人分享一張疑似低炒少女大髀相，點知真相卻出人意料，呢件事絕對係心邪嘅人諗邪嘢最佳證明。
當大家睇到呢張相時，認為係乜嘢嚟呢？日本輕小說作家稻庭淳睇到呢張相之後，就喺Twitter分享相片，仲話令佢聯想到黑色過膝襪同迷你裙之間嘅大腿，即係令人想入非非嘅絕對領域。不過大家唔好誤會，查實呢張相係早前美國太空總署NASA直播美國於馬德拉斯鎮日蝕時嘅截圖嚟(口架)。呢張相喺美國並未引嚟聯想，點知喺日本卻引起稻庭淳嘅注意，但係佢卻估唔到只不過係邪念嘅想像分享，會引嚟唔少網民嘅熱烈回響，唔少人都認為愈睇愈似，更有人喺原圖上加上大腿同迷你裙嘅輪廓，亦有人加上藍白橫間底褲，甚至進行二次創作帶嚟直擊「聖域」嘅遐想。呢次日蝕與大腿嘅無心插柳邪氣討論，結果帶嚟超過5萬個Like同多達4萬次轉發，成為日本網絡嘅一時熱話。話說回來，始作俑者嘅稻庭淳之所以會對呢張日蝕相有如此美麗嘅聯想，可能係同佢嘅喜好有關，事關佢除咗熱愛輕小說創作外，更對美少女同熱褲有相當興趣，唔知係咪佢日思夜想關係，先至會出現呢種邪氣嘅諗法。
就算未真正學過日文，但係睇得多日本愛情動作片，甚麼「吔咩爹」、「依沽依沽」等詞語都會識得幾個，仲有去日本餐廳都會聽到「易三些」啦！不過要精通日文真係要花好多時間至得，而相對於日本人嚟講，佢哋想學中文亦唔容易，搵本啱用嘅中文參考書更加難。話說早前一位嚟自台灣，現喺日本從事翻譯工作嘅曉香月喺網上分享一件趣事，有日佢老公問：「中文社會嘅男性係咪真係會講『12點半』同『6點半』呢？」可能大家會以為佢係講緊時間，查實曉香月嘅老公係喺一本教日本人中文嘅參考書《中国語のスラング表現》中見到呢兩個詞語，而根據書中嘅解釋「12點半」係指（男士兵器）硬起來人，「6點半」則係指（男士兵器）硬唔起來。本來只係一則生活趣事，但有唔少女網民留言，話佢哋嚟自上海同香港嘅老公，都話冇聽過呢種講法，反而有位台灣網民稱佢曾經聽過。台灣有冇呢個詞語真係唔知，只係知道香港真係有呢種講法，「6點半」寓意兩支針都向下垂，因此暗指硬唔起嚟，而「12點半」則係一條直線，意指硬晒軚，早喺20年前老一輩嘅香港就已經有人咁樣講，所以呢本書嘅解釋又冇錯喎！
「男人係用下面嚟諗嘢」呢句說話，相信唔少人都聽過，佢嘅意思係指男性無時無刻都想搞嘢，不過現實又係咪咁呢？根據英國醫療網站「Superdrug Online Doctor」一個研究發現，接近半數嘅受訪女性認同，每周有多次性行為可以提升同伴侶之間嘅關係。該調查訪問咗1,500名歐洲及美國男女，當中有百分之四十八受訪女性表示，佢哋樂於每星期跟伴侶發生多次性行為，而贊同每星期要交歡幾次嘅受訪男性則有百分之四十二。不過對於男性打工仔嚟講，每星期要做幾次真係好辛苦，而家庭及生活壓力亦會影響佢哋嘅床上表現。而調查亦發現，喺贊成每星期要交歡幾次嘅受訪女性中，有百分之七十三認為就算對方床上表現不濟，只要口技搭夠就得。換言之，縱然男性床上表現差，甚至係持久力不足或快槍手，都可以透過口舌方法嚟解決。但網站發言人卻表示，如果想長久維持兩性關係嘅話，溝通始終係最好嘅方法。若然男士真係做唔到，或者女士真係好想要嘅話，講出嚟總好過畀人拒絕後鬱住自己更加好。
撰文：魂