為咗迎合成漫迷鍾愛萌味，成漫家都樂於以萌系美少女作為女主角，不過講到真正畫出又萌又鹹嘅作品，就要數女成漫家Rico嘅單行本作品《喜歡♥喜歡♥Kiss♥》，更被愛萌一族視為代表作。
早喺2000年Rico已創作漫畫，起初以少女漫畫為主，由於個人興趣關係，其後佢開始創作成人漫畫，並且成立成人漫畫同人圈「Rico-ba」，憑住浪漫嘅劇情加上萌味爆燈嘅女角色，配合清新嘅畫風，令佢好快喺成人漫畫界冒起。及至2007年，佢喺成人漫畫月刊《Comic Megamilk》上發表作品，從此正式展開成人漫畫家嘅生涯，而佢嘅畫工愈嚟愈進步，劇情鋪排上嘅技巧亦愈益純熟，同時人氣不斷攀升。
直至2008年10月，Rico終於推出首本成人漫畫單行本《甜蜜戀上你》，即時引起極大回響。雖然喺成漫界闖出成績，但係佢並冇放棄一般向漫畫創作，更同另一位漫畫家木場貴志組成同人圈「Ico-ba」，參與輕小說嘅創作，更為人氣漫畫《大圖書館的牧羊人》執筆。2009年11月佢推出第2本成漫單行本作品《初音 親親》，跟住之後推出嘅《我的女友是女僕》、《世界上我最愛是你》等作品，同樣獲得好成績，自此奠定佢喺日本成人漫畫界嘅地位。
不過講到Rico嘅代表作，莫過於《喜歡♥喜歡♥Kiss♥》，當中收錄咗10個短篇故事，包括《你喜歡色情的漫畫嗎？》、《Princess Maid》、《快樂之吻》、《Kiss♥Kiss♥Kiss♥》、《2人的零距離戀愛》、《單戀×單戀》、《More More Loving You》、《全部都很可愛（番外篇）》、《你想我留下來嗎？》以及《喜歡♥喜歡♥Kiss♥》。憑住一眾萌味十足嘅女角色，深受成漫迷歡迎，更獲得成漫評論網站一致好評，而最多人激讚係女角色誘人嘅嘴唇，睇到人心跳加速咁話。至於最多人喜歡嘅故事，就係《你喜歡色情的漫畫嗎？》及點題作品《喜歡♥喜歡♥Kiss♥》。
《你喜歡色情的漫畫嗎？》講述女主角朋美以筆名「桃美」從事創作成人漫畫工作，由於佢擔心呢份工會嚇走男友阿誠，故此一直假扮少女漫畫家。點知有一日，阿誠喺朋美房中發現藏有成人漫畫，朋美以為真相敗露，卻估唔到原來阿誠一啲都唔介意，仲跟朋美講作為情侶應該互相坦白，大受感動嘅朋美決定主動獻身，而面對阿誠猛烈嘅進攻，朋美不但興奮無比，更展露出淫蕩嘅真面目，究竟朋美嘅真實個性，阿誠又接唔接受到呢？
至於《喜歡♥喜歡♥Kiss♥》中嘅女主角美香經常到男友優彌屋企蜜會，每當家裏冇人時，美香就想開波，但係每次優彌總會搵理由拒絕，因而令美香懷疑優彌唔係有外遇，就係有特別性癖好。不過美香嘅損友卻唔係咁睇，認為優彌可能係怕醜緣故，先至唔敢對美香有進一步嘅舉動。美香聞言後決定主動出擊，化身成性感女郎去到優彌屋企獻上熱吻，並且將對方推倒，然後展開連場激戰！
書名：《喜歡♥喜歡♥Kiss♥》
作者：Rico
出版：Core Magazine
頁數：158頁
撰文：魂