有人話因為人生係同時間競賽關係，所以乜嘢都要講求速度，做事要快人一步。其實喺床上，速度都相當重要，但唔係指極速爆發，而係活塞動作要夠速度，先至可以高潮迭起。不過話時話，喺情慾字典中，有啲乜嘢詞語同Speed及速度有關呢？依家即刻話畀家知！
「Dame」嘅中文解做已婚婦人或夫人，如果係咁嘅話，「Speed Dame」係咪直譯做速度夫人呢？梗係唔係咁解啦！事實上「Speed Dame」意思係指性生活活躍同混亂嘅女性，簡單嚟講即係淫娃，而佢跟另一個俚語「Fast Woman」嘅意思係一樣。不過有人覺得「Speed Dame」狹指已婚婦人，故此近年比較多人用「Fast Woman」嚟形容性生活放蕩嘅女性。好似喺荷里活著名科幻冒險電影《Indiana Jones and the Last Crusade》（港譯《聖戰奇兵》》當中，Indiana Jones同Elsa Schneider博士咀完後，佢就講咗句對白：「Leave me alone. I don't like fast women.」（走開！我唔鍾意放蕩嘅女人！）另外，某啲地方甚至會將「Fast Woman」引伸做妓女嘅意思。
如果有玩過拳擊嘅話，都知道「Speed Bag」嘅中文叫做速度球，即係固定喺天花板嘅一種拳擊袋，畀拳手練拳之用。點解要花咁多字去解釋乜嘢叫做「Speed Bag」呢？因為佢嘅外形同情慾俚語中嘅「Speed Bags」有好密切關係，而相信大家都估到佢指乜，冇錯！就係指巨乳喇！不過大家要留意，情色用法中嘅「Speed Bag」係有「s」嘅，事關巨乳係一對。至於形容微乳又應該點講呢？就係「Speed Bumps」喇！中文係減速帶，即係路面上凸起嘅減速丘，由於佢只係微凸關係，故此被口痕友用嚟形容微乳。
性愛嘅王道在於速度，事關活塞運動嘅速度同快感有直接嘅關係，但係控制速度並非男士嘅專利，女士亦可以透過騎乘掌控動作節奏。而講到日本AV界騎乘天后，就一定係小川阿莎美，喺1985年4月11日於東京出生嘅佢，2005年9月成為AV片廠MAX-A嘅專屬女優，同年推出處女作《明星誕生》，憑住俏麗樣貌同長腿，加上35吋渾圓美股，成功獲得AV迷支持。不過，當時佢嘅騎功並未發揮出嚟，反而以萌系演出為主，直至翌年11月佢轉投另一AV大廠S1後，先至展現出實力強橫嘅策騎功夫，猶如短跑選手般力量同速度兼具嘅騎功，配合渾圓嘅美股，不論攝影師從邊個角度拍攝，都足以帶嚟極大嘅視覺效果。
2008年4月阿莎美成為AV女優團體「惠比壽麝香葡萄」始創成員，更迎嚟演出生涯嘅頂峰，事關透過深宵節目，大家發覺呢位騎乘悍將，原來擁有天然呆嘅性格，人氣隨之而飆升。2008年轉會到Moodyz後，阿莎美仍然係女團成員，而接觸過大量電視演出後，佢發覺自己非常享受演藝工作。2014年8月佢轉投到AV片廠美後，活躍度漸漸下降，2015年2月25日推出《電擊引退！The Last Stage 3時間 Special》後，便宣告引退。
荷里活有套經典動作電影《Speed》（港譯《生死時速》），而美國四仔界亦有套四仔叫做《Speed》，雖然兩者一啲關係都冇，但卻同樣重金製作。由美國四仔大廠Wicked Pictures喺2010年9月推出嘅《Speed》，由著名四仔導演兼男脫星Brad Armstrong自編自導自演，搵嚟Jessica Drake、Kirsten Price、Alektra Blue及Kaylani Lei等四位人氣脫星，更雲集超過30名男女脫星演出，單係呢個五星級兼龐大嘅演出名單，足見Wicked Pictures製作認真。由於演出者嘅人數相當多，故此呢套四仔長達7個幾鐘，分成3隻碟發售，換言之大家要買齊晒3隻碟，先至可睇晒一眾脫星嘅足本演出。
故事講述四個索女加入洛杉磯一個電單車俱樂部，佢哋不但騎住電單車追逐速度上嘅快感，其後更將行動升級，跟一班電單車迷喺車房激戰，務求將啪啪啪同速度感呈現四仔迷眼前。據稱為咗營造出龐大車隊嘅場面，搵嚟超過100名電單車迷及特技人員參與演出。結果證明付出同收穫係成正比，《Speed》不但喺2011年分別於AVN同XBIZ頒獎禮中獲得最佳作品大獎，而Brad Armstrong更憑此片成為最佳導演。
撰文：魂