雖然北上玩樂消費成本頗重，不過身邊仍然有朋友樂此不疲，但說到奇葩，寫手K絕對是表表者，話說他每個月總有幾天上深圳吃喝玩樂，奇怪的是他同行的居然是老婆，「咁得意，你會同老婆一齊上嘅，咁咪冇得偷食？」最初，我也像寫手K的其他朋友一樣，會問他類似的問題，而他也總是神神秘秘的回應，後來跟他稔熟了，才知道他的蠱惑招，「冇得玩咪當陪佢行吓街囉，但上面有啲場，表面就正經歡迎男女賓，實際上呢，啲鬆腳妹就會借啲意搞吓你，博你有下文o架！」
這種半鹹淡的場所在深圳一直時有所聞，其實也不是甚麼新聞，不過認識的人玩得如此驚險，寫手K應該是第一人，「唔好問我邊間場啦，總之我一直都係咁玩，間場喺福田附近，大廳按腳，上房按身，我同老婆，就通常都先按吓腳。」寫手K說那邊的洗腳妹很識做，見你身邊有個女人就會正正經經有講有笑，但當看到你女人上房揼骨時，她們就會出手了，「真係一路玩擦邊球捽到着晒火，你忍得到都會簽多啲小費，忍唔到咪入房出個火囉，佢哋好快手，神不知鬼不覺o架！」
撰文：黃韋龍