視覺上充電即刻醒神晒

純粹胸部特寫

「療愈」究竟係乜？呢個問題有人話好難答，其實一啲都唔難，只要令人有一種精神為之一振嘅感覺，呢啲咪就係療愈囉！男士想心靈上得到療愈嘅感覺，方法好簡單，見到令人心動嘅美巨乳就即刻醒神晒！日本有位女網民Nano喜歡喺個人Twitter同大家分享自己嘅美巨乳特寫自拍照，不過大家唔好心邪，皆因唔會有兩點睇，Nano經常換上唔同服飾示人，如Cosplay服、性感內衣、泳衣及OL服等，款式相當多。雖然睇唔到Nano個樣，但憑住一張又一張既白滑又彈手嘅美乳相，已經叫人心動。齋睇相又點知咪咪好彈手呢？原因好簡單，因為Nano會上載搓波仔片段，顯示出咪咪係幾咁柔軟又富彈性。Nano憑住咪咪特寫成功慰藉男士們嘅心靈，佢嘅Twitter至今已有超過26,000個追隨者。人氣如此強勁，Nano早前喺眾籌網站集資推出個人咪咪寫真集，本來預算眾籌300,000日圓（約21,000港元），結果僅僅一晚時間，成功籌得2,042,000日圓（約142,940港元），厲害！巴打們係咪好想買番本返屋企，晚晚慰藉心靈呢？

漫畫家畫繩縛

繩縛嘅魅力有幾吸引？老土講句：見仁見智。不過講到繩縛，日本絕對係繩縛嘅發源地，不但關於繩縛嘅浮世繪有好多，更係AV常見嘅題材，而喺十八禁漫畫中，亦經常出現繩縛場面。雖然係漫畫，但見到女角被紮到成隻糉時，好此道者總係會睇到眉飛色舞，甚至有人話好睇過真人繩縛添！點解佢哋會有呢種睇法呢？熱愛繩縛嘅日本插畫家Honehone，早前喺個人Twitter上以圖畫嚟解構當中嘅奧妙，答案唔係女角嘅肉緊表情，亦唔係變化多端嘅繩縛花式，而係在於被繩勒緊時所擠出嚟嘅肉，不但可以凸顯繩子嘅緊迫性，更加提升唔少質感，當然重點集中喺胸部位置，Honehone指出南半球必須遮擋部分從胸部下方經過嘅繩，先至可以營造出胸部擠出嘅效果。另外，要留意衣服嘅褶痕同埋繩嘅質感，先至可以令筆下嘅繩縛睇起嚟更具視覺效果。講到咁深入，Honehone果然係精於此道呀！

女性慾望高峰期

女人三十如狼，四十如虎，意思指30至40歲嘅女性性慾特別強。不過最近有調查顯示呢種講法未必啱，反而18至24歲嘅女性性慾先至係最高峰時期。最近情趣用品商Lovehoney進行調查，透過網絡訪問咗14,000名男女，結果顛覆咗30至40歲嘅女性性慾最旺盛嘅觀念，事關調查顯示只有百分之十八嘅受訪女性，認同呢個年齡層性慾最強，反而最多受訪女性認為性慾最強嘅年齡係18至24歲。另外，認為呢個年齡層性慾最強嘅男性，只有百分之二十五，而最多受訪男性認為男性性慾高峰期係24至30歲，從中亦帶出喺同年齡層男女間性慾協調嘅問題。事實上，有百分之四十八嘅受訪女性認同呢種講法，表示喺性生活上出現唔協調嘅情況。Lovehoney嘅合夥人Richard Longhurst認為，呢個調查不但改變大家嘅傳統觀念，更說明女性性慾嘅發展趨勢有年輕化嘅迹象，對於呢個現象，佢認為係同近年針對女性嘅主題電影及情趣用品普及化，令女性嘅信心提升唔少有關，社會風氣嘅開放，令女性更樂於大膽追求自身嘅性愛體驗。不過要留意嘅係，男女性慾唔協調嘅情況，有機會影響男女之間嘅關係，因此大家要努力尋求方法解決問題。

撰文：魂