四仔界冇男人夠佢威，佢唔使踎低可以袋袋平安，佢講一句說話，囡囡會自動跪地，甚至威到Forbes網站都要訪問佢，標題為「一個色情攝影師如何將色情提升到藝術」，佢咪係Blacked.com、Tushy.com及Vixen.com嘅老闆Greg Lansky囉！讚到Greg Lansky上天，係想話畀大家知佢先係真正全球男人都「葡萄」嘅真男神。現年33歲嘅Greg Lansky，靠拍四仔起家，住喺美國比華利山，過住揮霍無度、酒色財氣、窮奢極侈嘅生活，但傳媒話佢鏡頭下嘅四仔充滿藝術感，寫真則充滿美感，而Greg Lansky就話色情本來就應該高貴！
至於Greg Lansky喺Forbes網站嘅訪問，內容主要都係講佢點樣由法國飛去美國搵食，由Reality Kings嘅攝影師變身坐擁3個獲獎無數嘅大型鹹網老闆！以上3個鹹網，據報道話全球每月有3,000萬人瀏覽，四仔迷冇可能未睇過。Greg Lansky嘅四仔男女主角先係主菜，冇劇情亦冇浮誇性技，埋牙即砌，但砌得唯美又浪漫，相當吸睛，而最正係不惜工本製作，每個演出嘅囡囡，Greg Lansky都有能力將佢包裝成「女神級」咁索，仲出動超跑、直升機、豪華遊艇、私人別墅等拍攝，非常貼合佢本人性格，係人都知嫖賭飲蕩唔好，之但係Greg Lansky乜都做齊，但係佢過得好風流快活，係咪好「葡萄」先？
撰文：祖