大部分男人都鍾意女仔身上帶少許豐滿感，但係食得魚翅多都想轉吓食粉絲，所以今日就帶咗兩個清新嫩口，身材纖巧得嚟又不失誘人感覺嘅青春派寫真女郎畀大家欣賞一下，佢哋嘅魅力及陽光氣息，讓大家嘅感官神經煥然一新，兼且注入新動力！
好多中老年人未必希望自己可以發達，但係就一定好想回復青春，好似小弟咁不知幾想身體狀態回復到十零廿歲嘅時候，當時小弟認真精力旺盛，晨咁早起身打籃球，然後去踢波，之後去游水，做完咁多運動，夜晚可以繼續去蒲，生活幾咁多姿多采同充實，不過年過三十之後，體力下降咗好多，家陣唔單止朝早唔願起身，夜晚未到12點就已經開始放蚊要上床休息喇！雖然回復青春唔可能，但係欣賞一下青春活潑美少女嘅寫真演出，或者可以令大家嘅心態回復精力旺盛。
鶴卷星奈呢位年方18歲嘅妹妹仔年輕有為，除咗憑住青春魅力及纖巧身材喺寫真界打響名堂，現時仲係電視台女主播，其形象正面更獲久喜市授予久喜市宣傳大使一職添！即使星奈工作繁忙，但係依然會抽時間拍攝寫真，更喺演出當中展現出驚人活力！星奈今次喺寫真映像作品中大賣親切萌味以及陽光活力，換上多款凸顯身材美態嘅運動服做運動，亦會變身成為貓娘展示出活潑好動又嬌嗲嘅一面，全程無時停，睇完之後大家一定會話：青春真好！
碟名：《Princess Allstar》
收錄時間：70分鐘
售價：約HK$301
日本樂壇嘅美少女團體都係由青春少艾所組成，一班成員好多都只係十零歲，故當佢哋從團體畢業作個人發展嘅時候，年紀都係20歲出頭，可謂大把前途。而佢哋畢業之後通常會以歌手或演員身份發展，更多嘅係趁住青春投身水着寫真界，唔少更以火辣身材以及挑逗性極高嘅演出風格成功彈起，好似前SKE48成員松井珠里奈及大場美奈就係好例子喇。而前HKT48成員江藤彩也香今年只係19歲，年紀尚輕，故展開寫真生涯以來基於要顧及健康形象嘅問題，演出唔會過分性感，亦唔會賣弄挑逗風情，不過由於其胴體鮮嫩雪白，只係換上比堅尼跑跑跳跳以及展露笑容，足以溫暖大家嘅內心。喺本作當中，彩也香一如以往以健康性感作為賣點，但係上半身保守嘅同時，就有更多展露圓潤玉臀嘅場面，總算將火辣程度提升。另外，彩也香一收起性感換上水手服上陣，又展現出一派青春可愛風格，為作品帶來更多欣賞元素。
碟名：《ヒメゴト19》
收錄時間：108分鐘
售價：約HK$286
撰文：賢