前年小弟因為工作關係飛到日本採訪，而所探訪之事正係大家都好有興趣嘅日本成人博覽（Japan Adult Expo，下稱JAE），小弟當時去到會場認真興奮萬分，首先見到男士們嘅偶像加藤鷹，之後見到小弟至愛嘅女優真木今日子、由愛可奈、北条麻妃、友田彩也香，以及當時仲未正式拍AV嘅市川雅美，小弟仲見證住雅美因為上原亞衣發表引退宣言而流下眼淚呢一幕添！而JAE最近正式宣布喺今年11月16至17日隆重上演，於「ディファ有明」會場舉行，希望小弟有幸可以抽到時間到現場，為大家進行直擊報道啦！
JAE作為日本AV界盛事，每年都會邀請大量AV業界單位到場擺檔，檔內有AV碟以及AV女優周邊產品出售，同時舞台上仲會有大量表演，令人睇到唔捨得走！而歷屆JAE都會搵3位AV女優作為代言人，上屆搵嚟波多野結衣、川上奈奈美同古川伊織，３位都係人氣與實力兼備嘅頂級女優，至於今屆都唔輸蝕，搵來園田美櫻、大槻響以及神咲詩織出任代言女郎，宣傳片亦已經拍好晒，大家Click上網就可以睇到3位美人兒點樣瞓身為大會宣傳喇！
網址：https://www.youtube.com/watch?v=bx9JVLrG9Ho&feature=youtu.be
撰文：賢